Home 6 ئەرشیفی بابەتەکان 6  ئیدانەی دەستگیرکردنی ئەندامانی تەڤگەری ئازادی دەکەین!

 ئیدانەی دەستگیرکردنی ئەندامانی تەڤگەری ئازادی دەکەین!

دوێنێ هەینی رێکەوتی ١١-١-٢٠١٩ لەکاتی کۆبونەوەی ژمارەیەك لە ئەندامان و لایەنگرانی رێکخراوی (تەڤگەری ئازادی) لە پارکی ئازادی لە سلێمانی، بۆ یادکردنەوەی تاوانی تیرۆری سێ هەڵسوڕاوی پەکەکە لە پاریس، ئاسایشی سلێمانی هێرش دەکاتە سەر کۆبوونەوەکەو دەیان کەس لە بەشداربووان دەگرێ و رەوانەی زیندانی ئاسایشیان دەکات. پێشتریش ئاسایشی سلێمانی، رێگری بۆ پیشاندانی فیلمێك کردبوو لە سینەما سالم کە تایبەت بوو بە ژیان و خەباتی ساکینە چانسز، یەکێك لە ئەندامانی تیرۆرکراوی پەکەکە لە پاریس.

ئێمە لە حزبی کۆمۆنیستی کرێکاریی کوردستان بە توندی سەرکۆنەی ئەم رەفتارە دژی ئازادی و سەرکوتگەرانەیەی ئاسایشی یەکێتی نیشتمانی دەکەین. پێمانوایە ئەم کارە ناشایسته‌ی یەکێتی پێشکەشکردنی خزمەتێکی سیاسیە لە بەرامبەر نزیکبونەوەیان لە دەوڵەتی فاشیست و کۆنەپەرستی تورکیا. هەرجۆرە رێگری دروستکردنێك بۆ هەڵسوڕانی سیاسی ئەحزاب و رێکخراوی سیاسی لەسەر داوای دەوڵەتانی دڕندەو دژی ئازادی و دژی مرۆیی ناوچەکەوە، تاوانێکە بەرامبەر بە خەبات و قوربانی خەڵکی کوردستان و جێگای نەفرەت و سەرکۆنە کردنە. ئێمە خوازیارین کە دەستبەجێ و بە بێ هیچ کۆت و بەندێك سەرجەم دەستگیراوەکانی تەڤگەری ئازادی و ئەوانەی لەو چالاکیەی دوێنێی پارکی ئازادیدا بەشداربوون دەستبەجێ ئازاد بکرێن.

بژی ئازادی بێ کۆت و بەندی سیاسی

حزبی کۆمۆنیستی کرێکاریی کوردستان

١٢-١-٢٠١٩

About hkkk

Check Also

پیلانی نێودەوڵەتی بۆ له‌ژێرپێنانی ئیرادەی خەڵکی کوردستانی سوریا مه‌حکومه‌! …

“ڕاگەیاندنی حزبی کۆمۆنیستی کرێکاریی کوردستان سەبارەت بە ڕوداوەکانی ناوچە کوردنشینەکانی سوریا” دوابەدوای لەشکرکێشی دەوڵەتی بۆرژوا- …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *