Home 6 ئەرشیفی بابەتەکان 6 بڕیاری داخستنی شوێنە گشتیەکان نابێ لەسەر حسابی ژیان و گوزەرانی کرێکاران بێت!…

بڕیاری داخستنی شوێنە گشتیەکان نابێ لەسەر حسابی ژیان و گوزەرانی کرێکاران بێت!…

وەزارەتی تەندروستی و دەزگا پەیوەندیدارەکانی هەرێم، بۆ پێشگرتن بە بڵاوبوونەوەی ڤایرۆسی کۆرۆناو پاراستنی سەلامەتی تەندروستی هاوڵاتیان بڕیاری داخستنی شوێنە گشتیەکانی داوە، بەوهۆیەوە هەزاران کرێکار کە لەو شوێنانەدا کاریان دەکرد، بۆ ماوەیەکی نادیار ڕەوانەی ماڵەوە کراون، بەبێ ئەوەی بۆئەو ماوەیە هیچ مووچەو کرێیەکیان پێبدرێ!

بێگومان ئەرکی حکومەتی هەرێم و وەزارەت و دامەزراوە تەندروستیەکانی هەرێمە کە پارێزگاری لە سەلامەتی ژیان و تەندروستی هاوڵاتیان بکەن و هەموو رێوشوێنێکی پێویست و پزیشکی و زانستی بگرنە پێش بۆ پێشگرتن بە بڵاوبوونەوەی ئەو ڤایرۆسەو دابینکردنی هەموو جۆرە ئامێر و ئیمکاناتێکی پزیشکی بۆ چارەسەی تووشوبوان بەو ڤایرۆسە.

داخستن و کارڕاگرتن لە شوێنە گشتیەکاندا، بەو کارگاو کارخانەناشەوە کە سەدان کرێکار کاریان تێدا دەکەن، بە کارێکی پێویست دەزانین تا ئەوکاتەی مەترسی ئەم پەتایە لەسەر تەندروستی هاوڵاتیان دەڕەوێتەوەو کۆتایی دێت. بەڵام ئەوەش بەئەرکی حکومەتی هەرێم دەزانین کە بەرپرسیارێتی بەرامبەر بە ژیان و گوزەرانی ئەو کرێکار و خێزانانە نیشان بدات کە بەهۆی داخستنی شوێنی کارەکانیانەوە بێکاردەبن و تا ئەوکاتەی دەگەڕێنەوە سەر کارەکانیان مووچەو کرێی تەواویان پێ بدرێت. وەزارەت و بەڕێوەبەرایەتیەکانی کاروکاروباری کۆمەڵایەتی بە هاوبەشی لەگەڵ خاوەن کۆمپانیاو کارگەکاندا دەبێت چارەسەری ئەم کێشەیە بکەن.

حزبی کۆمۆنیستی کرێکاریی کوردستان
٣/٣/٢٠٢

About hkkk

Check Also

دیمانەی بۆپێشەوە لەگەڵ هاوڕێ کاوە کەریم، بە بۆنەی ١٩ ساڵ تێپەربوون بەسەر ڕووداوی تیرۆریستی ١١ سێبتەمبەردا…

بۆپێشەوە: هێرشی تیرۆریستی و خۆکوژی ١١سێپتەمبەر… دنیای تەکاندا و بواری کردەوە تا ئەمریکا ملهوڕی و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *