Home 6 ئەرشیفی بابەتەکان 6 بەیاننامەی حزبی کۆمۆنیستی کرێکاریی کوردستان سەبارەت بە: …

بەیاننامەی حزبی کۆمۆنیستی کرێکاریی کوردستان سەبارەت بە: …

ئیسماعیل بەخشی و هاورێکانی دەبێ دەستبەجێ ئازاد بکرێن!

رژێمی کۆنەپەرست و بۆرژوایی کۆماری ئیسلامی ئێران، بۆ شکاندنی ئیرادەی کرێکاران و خەڵکی ناڕازی ماوەی چەند مانگێکە ژمارەیەك ڕابەری کرێکاری و لایەنگرانی بزوتنەوەی کرێکارییان زیندانی کردوە. بەمەبەستی دادگایی کردنیان، رۆژی ١٢ی ئەیلولی ٢٠١٩ (ئیسماعیل بەخشی، علی نەجاتی، سپیدە قلیان، عەسەل محمدی، ساناز اللەیاری، ئەمیر حەسەن محمدی فەرد و ئەمیر ئەمیر قلی)یان ڕەوانەی دادگای شۆڕشی رژێم کردوە لە تاران.

تاوانی ئەم ڕابەرو هەڵسوڕاوە کرێکاری و جەماوەریانە ئەوەیە کە لە خۆپیشاندانەکانی کرێکارانی (قامیشی شەکری هەفت تەپە) دا ڕابەرایەتی نارەزایەتی کرێکارانیان کردوە و خوازیاری نان، کار، ئازادی) بوون یان پشتیوانیان لە خواستەکانی کرێکاران کردوە.

ئێمە لە حزبی کۆمۆنیستی کرێکاریی کوردستان، سەرەڕای پشتیوانیمان بۆ کرێکارانی قامیشی شەکری هەفت تەپەو سەرجەم کرێکاران و جەماوەری ناڕازی و ئازادیخوازی ئێران و خواستە ڕەواکانیان، هاوکات پشتیوانی خۆمان بۆ ڕابەران و لایەنگرانی زیندانیکراوی کرێکاران ڕادەگەیەنین و دەبێ رژێمی ئیسلامی ئێران دەستبەجێ و بەبێ مەرج ئازادیان بکەن. هەروەها دەبێ کۆمپانیای شەکری هەفتە تەپەو رژێم قەرەبووی مادی و مەعنەوی هەموو زیندانیەکان بکەنەوەو خواستەکانی کرێکارانی ناڕازی جێبەجێ بکەن و هاوکات ئازادی دروستکردنی رێکخراوی کرێکاری و خۆپیشاندان و مانگرتنی کرێکاری بۆ بەرگری لەمافەکانیان بە ڕەسمی بناسێت!

داواش لە سەرجەم رێکخراو و حزبە کۆمۆنیستی و رێکخراوە کرێکاریە جیهانیەکان دەکەین کە پشتیوانی لە کرێکارانی زیندانیکراو و لەماف و خواستەکانیان بکەن و بەرامبەر بە درندەیی رژێمی ئیسلامی ئێران ناڕەزایەتی دەرببڕن!

١٦ی ئابی ٢٠١٩

About hkkk

Check Also

کشانه‌وه‌ی هیزه‌کانی ئه‌مریکا وپێشهاته‌کانی جه‌نگ له‌کورستانی سوریا …

گفتوگۆ له‌گه‌ڵ عه‌بدوڵا موحمود … کشانه‌وه‌ی هێزه‌کانی ئه‌مریکا له‌سوریا، ڕه‌وتی ڕوداواکان وجه‌نگ له‌کوردستانی سوریای ڕاکێشاوه‌ته‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *