Home 6 ئەرشیفی بابەتەکان 6 بەیاننامەی کۆتایی پلنیۆمی ٢١ی کۆمیتەی ناوەندی حزبی کۆمۆنیستی کرێکاریی کوردستان سەرکەوتوانە کۆتایی هات

بەیاننامەی کۆتایی پلنیۆمی ٢١ی کۆمیتەی ناوەندی حزبی کۆمۆنیستی کرێکاریی کوردستان سەرکەوتوانە کۆتایی هات

رۆژانی ٢١ و ٢٢ی مانگ، کۆمیتەی ناوەندی حزبی کۆمۆنیستی کرێکاریی کوردستان، بە بەشداریی زۆربەی ئەندامانی کۆمیتەی ناوەندی و بە ئامادەبوونی وەفدێك لە مەکتەبی سیاسی حزبی کۆمۆنیستی کرێکاریی عێراق، پلنیۆمی ئاسایی خۆی بەست.

بەرنامەکانی پلنیۆم بە خولەکێك بێدەنگی بۆ رێزلێنان لە ژیانی و خەباتی سەرجەم گیانبەختکردوانی رێگای ئازادی و سۆشیالیزم و بە سرودی ئینتەرناسیۆنال دەتسی پێکرد.

دواتر وتاری کردنەوەی پلنیۆم لەلایەن عوسمان حاجی مارف سکرتێری کۆمیتەی ناوەندیەوە پێشکەش کرا.

بەرنامەی کاری پلنیۆم بریتی بوو لە:

١-  راپۆرتی مەکتەبی سیاسی و ئۆرگانە رابەریەکانی حزب

٢- بارودۆخی حزب و ئامادەسازی رابەری بۆ وەڵامدانەوە بە گۆڕانکاریە سیاسیەکان و مەسەلەو پرسەکانی پەیوەندی بە خەباتی چینی کرێکار.

٣-  بارودۆخی سیاسی کوردستان و گۆڕانکاریەکانی دوای روداوەکانی “١٦”ی ئۆکتۆبەرو رێگا چارەی حزبی کۆمۆنیستی کرێکاریی کوردستان.

٤-   دارایی حزب

٥- کۆنگرەی حزب

٦-  بڕیارو راسپاردەکان

٧- هەڵبژاردن

سەبارەت بە قسەوباس لەسەر بارودۆخی حزب و ئامادەسازی رابەری، خاڵە لاوازەکانی دیاریکران و چەند هەنگاوی عەمەلی دەست نیشان کراون و بڕیاری پێویست لەبارەیانەوە درا.

سەبارەت بە هەلومەرجی سیاسی کوردستان بەدوای قسەوباس و لێکدانەوە لەسەر دۆخی سیاسی کوردستان و ئەو ئاڵوگۆرانەی کەدوای ١٦ ئۆکتۆبەر روویان داوەو بونەتە هۆی هەرچی زیاتر تێکدانی بارودۆخی سیاسی و ئابوری کوردستان، هەنگاوی عەمەلی دەستنیشان کراو بڕیاری پێویست لەبارەیەوە درا.

دواتر لە بەشی هەڵبژاردندا هەریەکە لە عوسمانی حاجی مارف وەکو سکرتێری کۆمیتەی ناوەندی و موحسین کەریم وەکو جێگری سکرتێری کۆمیتەی ناوەندی بە تێکڕای دەنگ هەڵبژێردرانەوە.

هەروەها دەشتی جەمال و خەسرەو سایە و مەهدی رەسوڵ  بە تێکڕای دەنگی ئەندامانی کۆمیتەی ناوەندی وەکو ئەندامانی مەکتەبی سیاسی هەڵبژێدران.

پلنیۆم بە وتاری عوسمانی حاجی مارف و شۆرو شەوقی هاورێیان و ئومێد بە گەشەی حزب کۆتایی بە کارەکانی هێنا.

پلنیۆمی ٢١ی کۆمیتەی ناوەندی

حزبی کۆمۆنیستی کرێکاریی کوردستان

٢٢/٩/٢٠١٨

 

 

About hkkk

Check Also

هەر عارف نیە مارفیشە! …

موحسین کەریم عارف قوربانی، یەکێك لە نوسەران و ڕۆشنبیرانی کوردایەتی، لە چاوپێکەوتنێکدا لە کەناڵی (K24) …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *