Home 6 ئەرشیفی بابەتەکان 6 لە یادی دووسەدساڵەی لەدایکبوونیدا، پەردە لەسەر پەیکەری مارکس لادەدرێت!!
لە یادی دووسەدساڵەی لەدایکبوونیدا، پەردە لەسەر پەیکەری مارکس لادەدرێت!!

لە یادی دووسەدساڵەی لەدایکبوونیدا، پەردە لەسەر پەیکەری مارکس لادەدرێت!!

عەبدوڵا مەحمود

٥ ئایار، دووسەد ساڵ بەسەر لەدایک بوونی مارکسدا تێپەردەبێت… بە بۆنەیەوە پەیکەرێکی بڵند باڵای پینج مەتری، بۆ بڵندبەرزی ئینسانی و کەسایەتی سیاسی شۆرشگێر و فەیلەسوف و ئابوریناس و رێنشاندەری رزگاری ئینسان لە ستەم و نابەرابەری نیزامی دیلیهێنەری سەرمایەداری، مارکس دروستکراوە و وابریارە ٥ ئایار لەشاری تیری ئەڵمانیا، شوێنی لەدایک بوونی لە مەراسیمێکدا پەردە لەسەر ئەو پەیکەرە لاببرێت…

دانانی پەیکەری مارکس دوای دووسەد ساڵ بەسەر لەدایکبوونیدا، زیندوراگرتنی یادی دووسەدساڵەی… ئاماژەیە بۆ زیندووبون وراست و دروستبوونی و لەسەر حەق بوونی مارکس. دوای ئەو هەموو هێرشەی کە بەشکستی بلۆکی شەرق و داکوژانی سۆسیالیزمی دەوڵەتی لە روسیادا کرایە سەر مارکس و مارکسیزم و بیروباوەرەکانی مارکس، کەچی تا ئێستا قین لەدڵترین رەخنەگرانی  کۆمۆنیزم و مارکس و مارکسیزم ناتوانن ئەو راستیە رەتبکەنەوە کە مارکس تێروانین و تیزەکانی توانیویەتی تیگەیشتی ئینسان بۆ میژووی مرۆڤایەتی لە رەگ و ریشەوە بگۆرێت…

بۆچوون و لێکدانەوەکانی مارکس کە لە نووسین و تیزو پرکتیکی شۆرشگێرانەیدا، بەرجەستە بووە، دەوڵەمەندترین و سازشهەڵنەگرترین رەخنەی تیئۆری و فکری و سیاسی و پراکتیکی بووە لە سیستەمی سەرەوخوارو دیلیهێنەری سەرمایەداری…

سەرمایەداری لەکاتی سەرهەڵدانیەوە، بە کۆنی و تازەیەوە، بەو بەرگ و شیوازو سیما و روخسارە ماکیاژکراوەکانیەوە… بەسەردەمی پێ گرتن و گەشەیەوە، بە دەورانی رەونەق و  ئەزمەیەوە،… تا بەنەمر نیشاندانی سەرمایەداری لەچەند دەهەی رابردوودا… دەتوانرێت و سانایە لەوە تێبگەین کە سەرمایەداری وەکو هەر دیاردەو چینێکی کۆمەڵایەتی، دەکرێت بمرێت و بەخەباتی و رێکخراو و یەکگرتوانەی خودی گۆرهەڵکەنانی سەرمایەداری” چینی کرێکار” بە گۆڕ بسپێردرێت..

مارکس یەکەم کەس بوو پێناسەی راستەقینەی دیاردەیەکی میژووی کرد بەناوی سەرمایەداری و نیشانیدا کەچۆن پێی گرتوەوە سەری هەڵداوە، و بەچ قانونمەندیەک دەجوڵێت و تایبەتمەندیەکانی چین و چۆنیش دەتوانرێت لە بەین ببرێت… مارکس پەردەی لەسەر دیاردەیەکی هەستپێنەکراو بەناوی ئەلگۆی بەهەم هێنانی سەرمایەداری لادا…

ئەمرۆ بۆرژوازی لە دڵی ئەزمەو قەیرانگرتووی خۆیدا، ناچارە دان بنێت بە رۆڵی مارکس و تیروانینەکانیدا، بەو جۆرەی خۆیان دەیانەوێت و مەبەستیانە… ئەوان دەیانەوێت… مارکس تەنها وەکو ئابوری ناسێکی روت و دوور لە سیاسەت و شۆرشگیر و خەباتکار… دەرخواردی کۆمەڵگە بدەن.. بەڵام راستی دروستی بۆ چوونەکان و تیزەکانی، تا پراکتیکی و شۆرشگیربوونی مارکس راستیەکە ناتوانرێت نادیدە بگیرێت… بۆیە مارکس هەر زیندووە و تا ئەوکاتەش نیزامی سەرمایەداری و شێوەی بەرهەم هێنانی سەرمایەداری بمینێ…ناو و کارنامەو رۆڵی مارکس وەکو سەرمایەداری کیشوەر بڕ و دەمێنتەوە… دوای دووسەد ساڵ بەسەر مەرگی مارکسدا، دروستکردنی پەیکەری بڵندباڵا لە برنۆز و لە وڵاتی غولائاسای ئابوری سەرمایەداری” چین” دا و دانان و لابردنی پەردە لە ئەڵمانیادا، نیشانەی سەردانەواندنە لەبەرامبەر ئەو ئینسانەدا کە لەگەڵ هاوڕیکەی ئەنگڵسدا، توانیان تیگەیشتنی ئینسان، لە رەگەوە بۆ کۆمەڵگە و دیاردەی سیستەمی سەرمایەداری بگۆرن…

 تێبینی: ئەم بابەتە لە بۆپێشەوەی ژمارە ٢٧ بەرواری ١/٥/٢٠١٨ بڵاوبۆتەوە

 

About hkkk

Leave a Reply

Your email address will not be published. Required fields are marked *

*