Home 6 ئەرشیفی بابەتەکان 6 ناوەندی سەربەخۆیی کوردستان لە 29  ئابی 2017 سەردانی سەفارەتی ڕوسیای لە بەریتانیا کرد.

ناوەندی سەربەخۆیی کوردستان لە 29  ئابی 2017 سەردانی سەفارەتی ڕوسیای لە بەریتانیا کرد.

شاندی ناوەند پێکهاتبوو لە (ئاسۆکمال، سەوسون سەلیم و سعید ئارمان) لەلایەن بەرپرسی سەفارەتی ڕوسیا بۆ سیاسەتی دەرەوە بۆ ماوەی ٤٥ دەقیقە کۆبونەوە.

شاندەکە دوو داواکاری هەبوو کە یەکەمیان بەدواداچونی حکومەتی ڕوسیا بۆ جێبەجێکردنی ئەو ڕاگەیاندنەی وەزیری دەرەوەی ڕوسیا ، سێرگی لاڤرۆڤ کە وتویەتی “رفراندوم لە چوارچیوەی یاسای نێودەوڵەتیدا جێبەجێ بکرێ”. ئێمە دەمانەوێ کە ڕوسیا ئەم لێدوانە بکاتە داوایەکی ڕەسمی ڕوو بە نەتەوەیەکگرتوەکان کە رفراندوم و سەربەخۆیی کوردستان بە پێی یاسا نێودەوڵەتیەکانی نەتەوەیەکگرتوەکان ،کە لە مادەی ١ چارتەری نەتەوەیەکگرتوەکاندا مافی دیاریکردنی چارەنوسی ڕاگەیاندوە ، بسەلمێنێ و ڕایگەیەنێ کە خەڵکی کوردستان بەپێی ئەم یاسایە مافی رفراندوم و دروستکردنی دەوڵەتی سەربەخۆیان هەیە. بەم پێیەش نەتەوەیەکگرتوەکان بەرپرسیاریەتی لە چاودێری و بەڕەسمی ناسینی رفراندوم و سەربەخۆیی کوردستاندا بنوێنێ.

دووەم داواشمان ئەوەیە کە دەوڵەتی ڕوسیا داوا لە نەتەوە یەکگرتوەکان بکا کە کۆنگرەیەکی نێودەوڵەتی ببەستێ بۆ بەڕەسمی ناسینی ئەم مافەی خەڵکی کوردستان لە رفراندوم و سەربەخۆیی . کۆنگرەیەک بەبەشداری نوێنەرانی خەڵکی کوردستان و حکومەتی عێراق و دەوڵەتانی ناوچەو وڵاتانی ئەنجومەنی ئاسایش. لەچەشنی کۆنگرەی مەدرید بۆ چارەسەری کێشەی فەلەستین کە مەسەلەی دەوڵەتی فەلەستینی کردە بڕیار و ئەجیندایەکی نەتەوەیەکگرتوەکان.

شاندەکە بە دورودرێژەی لەسەر پیویستی و مافی خەڵکی کوردستان بۆ رفراندوم و سەربەخۆیی لە ئێستادا کرد وهەروەها لەسەر شکستی ڕێگاچارەی فیدرالی و شکستی ڕێگای گفتوگۆ لەگەڵ حکومەتی عێراق و هەڕەشەی ئێران و تورکیا ڕونکردنەوەیدا و پێویستی گواستنەوەی مەسەلەی رفراندوم لەم ئاستە ناوخۆیانەوە بۆ ئاستی نێودەوڵەتی وەک ڕێگاچارەی گونجاو بۆ سەلماندنی رفراندوم و سەربەخۆیی و ڕێگاگرتن لەهەڕەشەکانی سەر خەڵکی کوردستان خستەڕوو .

نوێنەری سەفارەتی ڕوسیا لەسەر بۆچونەکانی حکومەتەکەی لەسەر رفراندوم و مافی چارەنوس و وەزعی عێراق وناوچەکە قسەی کرد و ڕایگەیاند کە بۆچون و داواکانی ناوەندی سەربەخۆی کوردستان بە حکومەتەکەی دەگەیەنێ و گفتوگۆی لەسەر داواکاری و پێشنیارەکانی بە وردەکاریەوە کرد.

ناوەندی سەربەخۆیی کوردستان ئەم سەردانەی لە درێژەی سەردانی نەتەوەیەکگرتوەکان و کۆمیسیۆنی ئەوروپایە و چەند دیداری تری دەبێ لەگەڵ دەوڵەتانی تری ئەنجومەنی ئاسایش و ناوەندە حکومی و پەرلەمانی و سەندیکا و کەسایەتیەکاندا بۆ ڕاکێشانی پشتیوانیان لە خواستی خەڵکی کوردستان بۆ بەرپاکردنی رفراندوم و ڕاگەیاندنی دەوڵەتی سەربەخۆ لە کوردستان.

About hkkk

Check Also

گفتوگۆ لەگەڵ ڕێبوار ئەحمەد، لەبارەی بڵاوبوونەوەی کتێبی “لەبری بیرەوەری” و کاردانەوەکانی …

ئەفسانە یان فاشیزم بۆپێشەوە: کتێبە تازەکەی مەلا بەختیار (لەبری بیرەوەری) گۆشەیەکی تر لە تاوان و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *