پاش ئەنجامدانى چەندین چالاکى جۆراوجۆر وەکو هەڵواسینى لافیتەو پۆستەر و ئالاى تایبەت بە یەکى ئایار کە لەلایەن هەردو حزبی کۆمۆنستى کرێکارى کوردستان و عێراقەوە سەرلەئێوارەى ڕۆژى 30/4/2008 هەستان بەسازدانى گەڕان و میتنگ بەناو شاردا هەربۆیە چەندین ئۆتۆمۆبیل کە بە ئاڵاى سوورو لافیتە ئایاریەکان ڕازابوونەوە بەشدارى ئەم چالاکیەیان کردو سەرەتا لەگەڕەکى شۆرجەوە دەستى پێکردو پاشان بەرەوگەڕەکەکانى ئیسکان ، ئیمام قاسم ، ئازادى ، حەسیرەکە ، جادەى سوق مەرکەزى ، ڕەحیم ئاواو سەرجسرو ڕێگەى بەغدا ڕۆیشت ، سروودە کرێکاریەکان و شیعاراتى ئایارى ئەمساڵ کە لەلایەن ئازاد مەجیدەوە ئەوترایەوە و شۆڕوشەوقى ئەو جەماوەرەى کە لە سەجادەکان پێشوازیان لە ئۆتۆمۆبیلەکان ئەکردو دەست خۆشانەیان ئەکرد بەتەواوى سیماى شارى داگرتبو . جگە لەمانەش لەچەند شوێن قسەوباس لەسەر گرنگى یەکی ئایار وەکو ڕەمزى بزوتنەوەى کرێکارى و ڕەنگدانەوەوى ئەم بۆنەیە لە ژیانى کرێکارانى عێراق و کوردستاندا کرا. هاوکات بانگەوازى جەماوەرى شارى کەرکوک کرا بۆ ئامادەبون لە مەراسیمى یەکى ئایار.


ڕەمەزان سابیر
بەپرسى بەڕێوەچونى مەراسیمى یەکى ئایار لەکەرکوک
1/5/2008