|
لهم ڕیگایەوە پێکهاتنى کۆمیتەى
دەرەوەى ووڵاتى حزبى کۆمۆنیستى کریکارى کوردستان بەهەمووان رادەگەینین.
کۆمیتەى دەرەوەى ووڵات تێدەکۆشیت لەپێناو دامەزراندن و هێنانەکایەوەى
رێکخراوێکى جەماوەرى وکۆمۆنیستى تێکۆشەر لەڕاستاى بردنەپێشەوەى
سیاسەتەکان و ستراتیژى حزب کەرووى لەهینانەکایەوەى کۆمەلگایەکى ئازاد و
یەکسان و خۆشگوزەرانە بۆ خەلکى کوردستان.
ئەم کۆمیتەیە وەک یەکێک لە ڕیکخراوە محەللیەکانى حزبى کۆمۆنیستى
کریکارى کوردستان ئەرکى خۆى بەوەداناوە کە سەرجەم چالاکى
وهەڵسوورانەکانى حزب لە ئاستى ریکخراوەیى و کۆمەڵایەتىدا لەدەرەوەى
ولات ریکخراو و سەپەرشتى بکات وبەم هۆیەشەوە ببێتە چوارچێوەیەکى سیاسى
و کۆمەلایەتی بۆ کۆکردنەوە و ریکخراوکردنى هەلسووراوانى کۆمۆنیست و
رابەرانى بەشە جۆربەجۆرەکانى نارەزایەتى پیشکەوتنخوازانە خەڵکى
کوردستان لەدەرەوەى ووڵات.
بەم بۆنەیەوە ئیمە بانگەوازى هەموو هەڵسوراوانى کۆمۆنیست وچەپ و ژنان
ولاوان و هەموو ئینسانێکى ئازادیخواز دەکەین لەدەرەوەى ووڵات کە
بەڕیزەکانى ئەم حزبەوە پەیوەست بن.
کۆمیتەى دەرەوەى ووڵات لە ئاسۆ کەمال، نورى بەشیر، سەوسەن سەلیم، دەشتى
جەمال، محسن کەریم پیکهاتوە و ئاسۆ کمال وەک سکرتێرى کۆمیتە دیاریکراوە.
کۆمیتەى دەرەوەى ووڵاتى حزبى کۆمۆنیستى کریکاریى کوردستان
03/04/2008
بۆپەیوەندى بە کۆمیتەى دەرەوەى
ووڵاتى حزبى کۆمۆنیستى کریکاریى کوردستان
|