ڕاگەیاندنی پلینۆمی 15ی کومیتەی ناوەندی حزبی حیکمەتیست
سەبارەت بە ڕووداوەکانی هەلبژاردنی خردادی 2009 لە ئیران

جارێکی تر جەماوەرێکی فراوان لەخەڵکی ئیران بەهیوای کرانەوەیەکی سیاسی و فەرهەنگی،و بەهیوای ژیانێکی کەمتر تاقەت پروکێنی ئابوری، لە دەوری هەڵبژاردنەکانی جمهوری ئیسلامی هەڵًخرٍان وجارێکی تر شکستیان هێنا. جارێکی تر خەڵکی ئیران پشتیان بەست بەم یان بەو باڵی جمهوری ئیسلامی و جارێکی تر شکستیان هێنا. نە گوشاری ئابوری کەمبووەوەو نەدۆخی سیاسی و فەرهەنگی بوارێکی بۆ ڕەخسا. ئەم جارە جەماوەرێکی فراوان لەخەڵکی شارەکان لەژێر کاریگەری سیاسەت و پروپاگەندەی بورژوازی غەرب وناسیۆنالیستی پرۆ غەربی ئیران، بەدەوری یەکێک لە باڵەکانی ڕژێم( باڵی موسوی–کروبی–ڕەفسنجانی) هاتنە سەرشەقام. پەسەندیانکرد کە لەدەرەوەی ڕژێم، سەرکەوتن ئیمکانی نیە، دەبێ خەبات لەڕێگەی کێشمەکێشە دەرونیەکانی ڕژێمەوە بەهێزکرێت. خەڵکی شۆڕشگێر بەپێچەوانەی ناڕەزایەتیەکانی مانگی تیری 1378کە دژ بەهەردوو باڵی ڕژێم بوو، هیوایان گرێدایەوە بەیەکێک لەباڵەکان. لە ئەزموونی تیری 78 پاشەکشەیانکرد، بەلام جاریکی تر شکستیان هێنا.
لە ڕواڵەتدا ئەزموونێکی جیاواز بوو، بە ویژدانەوە هەموو مەیلە بۆرژوایەکان و هەموو ئۆپۆرتۆنیستە سیاسیەکان هەوڵیاندا بە چینی کرێکارو خەڵکی شۆڕشگێری بقەبڵێنن کە ئەمە ئەزموونێکی ترەو ئەمە شۆڕشکی ترە کە سەری هەڵداوە. بەڵام ئەم نەبەردەو ئەو وانانەی کە لەگەڵ خۆیدا هێنایی لە هەمان قوماشی نەبەردو وانە فێربووەکانی ڕابردووبوو . ئەزموونێک کە بەهیچ جۆرێک پێویستی بەدووبارە کردنەوە نەبوو.
بۆچی ئەم هەوڵە بۆ ئازادی و ئەم هیوایە بە دادپەروەری ئابوری بووە بلقی سەرئاو ؟ چۆن دەتوانین لەم بازنە بەتاڵە تێپەڕین ؟ چۆن دەکرێ لە دەستی شانسی جمهوری ئیسلامی و ڕژێمی بەردەداری کرێگرتە ڕزگارمان بێت ؟ ئەوانە پرسیارگەلێکن کەهەر هێزێکی سیاسی بەرپرس دەبێ وەلامیان پێ بداتەوە. پاساودانی شکست بەو پرسیارەی کە(( جمهوری ئیسلامی سەرکوتی کرد)) وەلام نیە، دووبارە بوونەوەی ڕواڵەتی مەسەلەکەیە، جەریانگەلێک کە پێشبینیانکرد کە جمهوری ئیسلامی بەتەواوی هێزوتوانای خۆیەوە پشت بەستوو بەچەک و ئاین نایەتە مەیدان یا شەلاتیگەری، یا کاڵفەهمی سیاسیان نیشاندا. چینی کرێکاری ئیران، کۆمۆنیستەکان وشۆڕشگێرانێک کەخوازیاری ئازادی سیاسی، ڕزگاری فەرهەنگی و ڕزگاربوون لەدەست ستەم و چەوسانەوەی سەرمایەدارین پێویستە جارێکی تر بەنێو وانەکانی ئەو ئاڵوگۆڕدا بچنەوەو بیخنە بەرچاوی خەڵکی شۆڕشگیری ئیران. دەبێ ڕێگری بکەن لە دووبارە بوونەوەی ئەو شکستە. دەبێ هاوکاری بکرێ بۆ ئەوەی کۆتای بەو بازنە بەتاڵە بهێرێت. ئەزموون کردنی کەسی بە ئەزموون هەلەیە .

پشت پەردەی دووکەڵەوە

تەشخیسی ناوەڕۆکی کێشمەکێشێک کە لەنێوان باڵەکانی ڕژێمدا لە گۆڕێدابوو کارێکی دژوار نەبوو ئەگەر کۆمەلگای ئیران لە پەردەی دووکەڵ و
ڕیاکاری میدیاو جەریاناتی سیاسی، فەرهەنگی وفکری بۆرژوازی دانەپۆشرایە. لەپشت پەردەیەکی دوکەڵاوی کەباڵی بەسەربارودۆخی کۆمەلگای ئیراندا کێشاوە، بەرژەوەندی ڕاستەخۆی بۆرژوازیان بەهێمای شۆڕش، بەهێمای ئازادی وبەهێمای دادپەروەری ئابوری بەسەر خەڵکدا سەپاند. لەلایەکەوە ڕیزێکی ڕێکخراو لە موسوی، کەروبی، ڕەفسنجانی تا ئۆباما، برون سایکۆزی، لە دەریوش همایون، سوڵتەنەت تەڵەبی پەیوەندار بە دووی خوردادەوە تا کۆنە چەپە تازە لیبرالەکانی، لەگەنجی وحەجەریانەوە تا بی بی سی وس ان ان، لە لقە جۆر بەجۆرەکانی حزبی تودەوە تا بۆرژوا ناسیونالیستەکانی حزبی کۆمۆنیستی کرێکار لەم دیدارەدا پێک گەشتن. ڕیزێک کە سەرئەنجام سەریان لە نوێژی هەینی ڕەفسنجانی و ڕۆژی قدسی جمهوری ئیسلامی دەرهێنا. ئەم نوێژی هەینیەو ئەم بزوتنەوەی سەوزە پەرستگاو خاڵی پەیوەندی هەموو ئەو جەریاناتە بوو. ئەوان خەڵکیان کێشایە پای ڕای سندوقەکانی دەنگدان و دواتر هێنایانە مەیدان وقارەمانیەتەکانی ئەو خەڵکە چاوبەستراوەی کە هێنایانە سەر شەقام بە عنوانی بەڵگەنامەی هەقیانەت دەرخواردی ئەو خەڵکەیاندایەوە. لەلایەکی تریشەوە شەلاتیە هەژاردۆستەکان و دڵسۆزانی مەحدودنیگەری هەژاران لەگەل جەریاناتێکی هاوشێوەی خۆیان لە فەلەستین و لوبنان و لەدنیای ئیسلام بێزاربووی شەرقدا ڕیزێکی فراوان لە چینی کریکارو زەحکمەتکێش و هەژاری شارو لادیکانی ئیرانیان کێشایە پای پشتگیری کردن لە ئەحمەد نەژاد بۆ هێنانە پای ڕایدان بە سندوقەکانی دەنگدان. وە دواتر لە گەرمەی نارەزایەتی دەربڕینی شارەکاندا بە ئاماژەکردن و پەنجە خستەسەر هاوکیشەو ناوەڕۆکی چینایەتی بزوتنەوەی سەوز، چینی کریکارو زەحمەتکیشانیان بەرەو کەمتەرخەمی پالپیوەناو ڕێگەیان گرت لەوەی کە چینی کریکار بەناوی خۆیەوەو بەهێزی خۆیەوە لە قلشتی نێوان باڵەکانی ڕژێمدا لەبەرژەوەندی خۆیان بەهرەمەندبن، ڕیزی خۆیان بەهێزترو وشیارترو یەکگرتووتربکەن .
لەم نێوەدا، دەنگی چینی کریکار، دەنگی هەقیقەت، لەنێو هاتو هاوارو پروپاگەندەی بۆرژوازی لە ئاستی جیهاندا توایەوەو ئاڵاو ڕێنمایەکانی کۆمۆنیزمی چینی کریکاری لە نێو تاریکای پەردەی دوکەڵی بۆرژوازیدا وون بوو. ئەم دەنگە و ئەم پەرچەمە تەنیا لە ئاستێکی بەرتەسک لە لەلایەن ژمارەیەکی بەرتەسک لە کۆمۆنیستەکان و لەنێویشیاندا حزبی حیکمەتیست بەرزکرایەوە. ئەمڕۆ ئیتر ڕاستیەکانی پشت پەردەی بۆرژوازی لە کۆمەلگادا بەرادەیەک وەلاخراوە، ئەمڕۆ کە بێ ئەقڵی خەتی سەوز ڕۆشن بووەتەوەو ئاشکرا بووە کە لەسەر بنچینەی ستراتیجی شۆرشی سەوزو ڕەش خەبات بۆ ڕزگاری فەرهەنگی، دیالۆگ بۆ ڕزگاربوون لە دەست ئیسلامی سیاسی وخەبات بۆ دادپەروەری ئابوری لە ڕێگەی پێشبڕکێ زۆربەی بەشداربووانی سەوز و ڕەش لە نوێژی هەینی ... سەوزو ڕەش و لە ڕۆژی قدس و عاشوراو تاسوعا و هتد ... بەڕێوە دەچوو، قۆلای ئەو ساختەیە ئاشکرابوو. ئاخر خەتی سەوزو ڕەش و لوتکەی شۆرشگێریەتی سەوز، ڕابەران وحزبە بەشداربووەکانیان لەلایەکەوە و درێژەپێدانی قولای دادەپەروەی جەریاناتی لۆمپنی پاڵپشتی هەژارانی فاشستی ئیسلامی لەلایەکی ترەوە ڕۆشن بووەوە. لەگەل ئەو ڕاستیە تالەدا هەر ئینسانێکی ئازادیخواز کە لەم مجرایەدا بەشداری کردوە بیر دەکاتەوە کە بۆچی لێرەدا سەری دەرهێناوە ؟ سەرنگونی جمهوری ئیسلامی و ئازادی و بەرابەری پیشکەش، بۆ لە ڕیزی نوێژی هەینی، ڕۆژی قدس و عاشوراو تاسوعادا سەری دەرهێناوە ؟
وانەکان
ئەگەر کۆمۆنیستەکان ئەم ئەزموونە لە چوارچێوە گشتیەکانیدا کۆبەند نەکەن، ئەوا نەتەنیا چوونە پاڵ پەردەی دووکەڵ، ڕۆشنکردنەوەی ڕاستیەکان و سەرلێشواوی وهەستکردن بە فریووخواردن لەنێو خەڵکی فراوانی شۆڕشگیردا بەڵکو هەمان ستراتیژی دووبارە دەبێتەوە. سەرئەنجام پێویستە لایەنی کەم هەندێک لە وانەکانی ئەم دەورەیە تەئکیدیان لەسەر بکرێتەوە.

1- شەڕ لەسەر چییە ؟
وانەی یەکەم: دەبێت هەمیشە سەرنج بدەین کە شەڕ لەسەر چی بوو؟ نەک ئەوەی کە بەرپاکەرانی ئەو جولانەوەیەو یا بەشداربووانی چی دەڵێن، بەڵکو لە دنیای واقعدا، لەپشت ئیغتلافات و کێشمەکێشەکانەوە چ بەرژەوەندیەکی زەمینی و واقعی خەوتووەو بزوتنەوەیەک کە بەرپا بووە چ شتێک بە سەرکەوتنی خۆی دەزانێت ؟ ئەم بزوتنەوەی سەوزە ئەگەر ڕەفسنجانی دەبووە وەلیفقیە یا موسوی ببووایە بە سەرۆک کۆمار خۆیان بەسەرکەوتوو دەزانی. ئەو سەرکەوتنە نە پەیوەندی بە ئازادی سیاسیەوە هەیەو نە پەیوەندی بە ڕزگاری فەرهەنگی، موسوی و ڕەفسنجانی کارنامەیەکی ئاشکراتریان لەو قسانە هەیە. کەسانێک کە فەرموویان ئەوان موسوی ڕابردو رەفسنجانی ڕابردونین درۆیان کرد. لەگەل ئەوەشدا شەڕ لەسەر دادپەروەری ئابوری وخەباتی دژ بەگەندەلی نەبوو. ئەحمەد نەژادو خامنەی خۆیان لە نەخشەکێشەران و جێبەجێ کەرانی سەرەکی گەشەی سەرمایەداری ئیرانن، کەرتی تایبەتی و داخستنی پیشەسازییە بێ سوودەکانن. پلاتفۆرمەکەیان بێکارکردنی کریکاران وچوونە سەرەوەی سوودو سەرمایەیە. ئەوان دەڵێن کە دژ بە دزین بەلام ئەگەر بەهرەبردنی سەرمایەدار لە کریکارو نەفسی سوود بردنی سەرمایە بە ڕۆژی ڕۆشن شتێکی جیاوازە لە دزیکردن ؟ هەقیقەت ئەوەیە کە ئەم شەڕە لە پلەی یەکەمدا شەڕ نەبوو لەسەر سەرنگون کردنی جمهوری ئیسلامی، بەپیچەوانەوە کێشمەکێش لەسەر چۆنیەتی ڕزگارکردنی بوو.

2- جیهان چینایەتیە
وانەی دووەم: کۆمەلگای ئیران و سیاسەت لە ئیراندا هەردووکیان چینایەتین. بۆ هەر شتێک و بۆ هەموو شتێک دەبێ پێوانەیەکی چینایەتی هەبێ. هەموو پەردەی دوکەڵی بەرەی سەوزو حزبە پەیوەندارەکان، لەسەر ئەوە کۆک بوون کە کۆمەلگای ئیران بەسەر دوو ڕیزی(( خەلک)) و (( ڕژێم ))دا دابەشکراوە. ڕیزی خەلک لە ڕواڵەتدا لە کریکاری عاسی لەبەردەبوونی کاری کرێگرتەو ژن وگەنجانی تەنگ پێهەڵجنراو تا ڕەفسنجانی موسوی و دەگرێتە خۆی. لە ڕوالەتدا ئەم ڕیزە بەرژەوەندی، سیاسەت و تاکتیکێکی هاوبەشیان هەیە. سیاسەت و تاکتیکیک کە سەریان لە نوێژی هەینی و ڕۆژی قدسەوە دەردینن.
ئەم دابەشکردنە ڕەنگدانەوەی واقعیەتی کۆمەلگای ئیران نیە، بەڵکو سیاسەت و بەرژەوەندی چینە داراکانە کە بە عنوانی بەرژەوەندی هەموو کۆمەلگا دەرخواردی چینی کریکارو خەلکی شۆرشگیری دەدەنەوە، کۆمەلگای ئیران یەک کۆمەلگای سەرمایەداریە ولێدانی دڵی کۆمەلگا پەیوەندی نیوان کارو سەرمایە دیاریدەکات. کێبەرکێ لەنێوان چینە داراکانی کۆمەلگا، هەمیشە کێبەرکێ بووە لەسەر چۆنیەتی دابەشکردنی بەشی ئەوان لە سوودێک کە لەلاین چینی کریکارەوە بەرهەم دەهێنرێ. ئەم جەدەلە هەمیشە سیاسی بووەو سیاسەت لە کۆمەلگای بۆرژوازیدا سەرئەنجام باسێکە سەبارەت بە دابەشکردنی سوود. خاڵی هاوبەشی هەموو بزوتنەوەکانی بۆرژوازی ئەوەیە کە سوود بەرن لە کارکردنی چینی کریکار نەک تەنیا ڕێگە پێدراوە بەڵکو تەنیا ڕێگەی ژیانە؛ لەبارەی سوود بردنەوە سەرمایەداری کێشەیەکیان نیە. هەموو سیاسەتەکانی بۆرژوازی، تەنانەت ئەگەر لە حالەتی شەڕێکی تەواویشدابن، ئەوە بە فەرز وەردەگرێ کە کرێکار کار دەکات و کرێی کار وەردەگرێت و سەرمایەداریش سەرمایە بە دەست دێنێت و کرێ دەدات و سوو دەبات.
ئەم حوکمە لەبارەی کێشمەکێشی نێوان باڵەکانی جمهوری ئیسلامیشەوە دروستە، شەڕ نە لەسەر ئیسلام بوو، نە لەسەر دادپەروەری ئابوری و لەسەر ئازادی. شەڕ لەسەر ئەوەبووە کە بارودۆخی نوێ و چاوەڕوانی نوێدا کە بۆ گەشە پێدانی سەرمایەداری ئیران دەستەبەرکراوە کام بەش لە چینە داراکان پشکێکی زیاتریان لەو سوودە بەرهەم هاتووەی چینی کریکار بەردەکەویت. شەڕ لەسەر ئەوەی کە چ کەسێک دەبێتە خاوەنی پیشەسازی نەوت، ماشینسازی، پەیوەندیەکان، زیو ئالتوون و پۆلا. گروپی مالی سوپا یا گروپی مالی ڕەفسنجانی و هاوبەشەکانی ؟ بۆرژوازی ناچارە بۆ کۆکردنەوەی هێز لەچینی کریکارو خەلکی شۆرٍشگێر، ئەم کێشمەکێشانەی خۆیان لە چوارچێوەی ((مەسەلەی خەڵک))دا بخەنە ڕوو. هێزە سیاسی چینە داراکان بەهەمان شێوە ناچارن کە دروست بەدوای هەمان ستراتیژیەوە بن.

3 - سەرمایەداری دیموکراتمان نیە
پروپاگەندەی ئەوە دەکرێ کەکوایە جیاواز لەچینی کریکار وخەڵکی شۆڕشگێر بەشێ لە بۆرژوازی تەنانەت جمهوری ئیسلامی ئازادیان دەوێ و دیموکراتن ! دەڵێن سەرکوت لە ئیسلامی بوونی ڕژێم و دواکەتوویەوە سەرچاوەی گرتووە ! ئەمەش دیسانەوە بەشێکی تر لەو پەردە دووکەڵە فریوودەرانەیە. لە ئێران سەرکوت بەشێک لە زاتی هەر جۆرە سەماریەداریەکە. لە ئێران سەرمایەداری دیموکراتمان نیەو ناتوانێ هەمان بێت. لەبازاری جیهانی سەرمایەدا، لە کۆمەڵگا هاوشێوەکانی وەک ئێران تەنیا بەپشتیوانەی نرخی سوودێکی بەرز دەتوانرێ سەرمایە بەدەست بێت. ئەو نرخی سوودە تەنیا لە ڕێگەی هێزی کاری هەرزان و چینی کریکاری خامۆشەوە ممکینە دەستەبەرکرێت. مسۆگەرکردنی چینی کرێکاری خامۆشکراو بەبێ سەرکوت ممکین نیە، سەرکوتی سیاسی لەئیران لەو واقعەوە سەرچاوەی گرتووە نەک لەئیسلامی بوونی ڕژێمەکەیەوە، ئیسلامی بوونی ڕژیم تەنیا باروتی دواکەوتووی وسەرکوتی فەرهەنگی پیًکدێنێ. ڕژێمەکانی تری سەرمایەداری دەتوانێ فشاری فەرهەنگی وەلا
بنیًت، بەلام توانای پەسەندکردنی ئازادیە سیاسیەکانی نیە. هەر زەرەیەک لەئازادی سیاسی لەئیراندا دەست بەجێ ڕێگە بۆ ڕێکخراوبوون و نارەزایەتی کریکاران خۆش دەکات. بەدەستهێنانی سوودی سەرمایە دووچاری مەترسی دەکاتەوەو سەرمایەداری لە ئیراندا ڕووبەڕووی قەیران دەکاتەوە. هەموو تۆیژە جیاوازەکانی سەرمایەداری، لەوەوە کە دوو کریکاری هەیە تا ئەوەی کە دە هەزار کریکاری هەیە، لە هێشتنەوەی هێزی کاری هەرزاندا بەرژەوەندیەکی هاوبەشیان هەیە.

4- سەرنگونی تا سەرنگونیمان هەیە .
بەشێک لە بۆرژوازی ئیران، وجیهان، دەتوانن لە زەمەنێکدا خوازیاری سەرنگونی جمهوری ئیسلامی بن بەلام لەهەمان کاتدا هەوڵ دەدەن کە لە پرۆسەی سەرنگونیدا، لەبەرامبەر هەر ئاڵوگۆڕێکدا کە لەبەرژەوەندی چینی کریکارو خەڵکی شۆڕشگێردا بێت وئەوان بەهێز بکات بووستنەوە. کەلەدەرەوەی کۆنترۆڵی ئەواندا خۆیان ڕێکدەخەن و سوودوسەرمایە ڕووبەڕووی مەترسی دەکەنەوە. مەترسی دروستکردن بۆ سوودو سەرمایەی بۆرژوازی، هەرج ومەرج و قەیران پێک دێنێ و، بۆرژوازی تەواوی هەوڵ وتەقەلای خۆی دەدات کە دەوڵەت لەسەرەوە دەستاودەست بکرێ. باشترین ڕێگەی ئەم کارە، دابەزینی پرۆسەی گۆرانکاری وسەرنگونیە لەچوارچێوەی کێشمەکێشی باڵەکان ویاشۆڕشی ئاورشمی وسەوز... هتد. وەها سەرنگونیەک وەلام بەنیازەکانی چینی کریکارو خەڵکی شۆڕشگێر ناداتەوە، بەپێچەوانەوە دەتوانێ ببێتە هۆی بەهێزبوونی بۆرژوازی و لەڕاستیدا دەسەلاتداریەتی بۆرژوازی ڕزگاربکات. بەرژەوەندیەکانی چینی کریکارو خەلکی شۆرشگیر لە سەرنگونکردنی جمهوری ئیسلامیدایەو ئەم سەرنگونکردنە تەنیا لە پلاتفۆرمی سەرنگونکردنی جمهوری ئیسلامیدایەو فروانترین هێز لە دەوری ئەودا کۆبکاتەوە . ئەمە تەنیا ڕێگەی دەربازبوون لە جمهوری ئیسلامیەو بارۆدۆخێکی لەبارو گونجاو بۆ چینی کریکارو خەلکی زەحکەتکیش دەرخسێنێت.

5 _ بۆرژوازی جگە لە سوود، هەموو شتێک جێگەی مامەڵە کردنە بۆی: دۆستانی خەلک کێن ؟
جارێکی تر ئەزموون ئەوەی نیشاندا کە بۆرژوازی، بزوتنەوەکانی بۆرژوازی وحزبە سیاسیەکانی دەتوانن هەموو شتێک بفرۆشن. بۆرژوازی پرۆ غەربی ئیران کە پێشتر خەڵکیان بە سەرنگونی جمهوری ئیسلامی بە هاوکاری دەستی غەربی وئەمەریکا خۆش دەکرد، لەگەل غەرب و ئەمریکا لەبەرامبەر بەجمهوری ئیسلامی ڕووبەڕووی شکست بوونەوە دەستی غەرب کۆتا بووەو ئاڵای ناسیۆنالیزمی عەزمەت تەڵەبی ئیرانی( کە بەڵێنی هێزی ئیران یانی دەسەلاتی بۆرژوازی ئیران لە ناوچەکەدا هەروەها بەهرەمەندبوون لە پشکێکی زیاتر لەو سەروەتەی کە بەرهەمەکەی لەلایەن چینی کریکارەوە بەدەستدێت) ئەم جەدەلە لەلایەن ئەحمەد نەژادەو جمهوری ئیسلامیەوە دەستی بەسەرداگیرا. ئاشکرابوو کە ئەحمەد نژاد لایەنی کەم لەئێستەدا باشترە لە هاوتا پرۆ غەربیەکانی و دەتوانێت بەرژەوەندی بۆرژوازی بپارێزێت.
بزوتنەوەی سەرنگونخوازی بۆرژوازی غەرب چووتە خەو لەگەڵ ئەوەشدا غەرب و پرۆغەرب هیوایان لەدەستداوەو ملیاندا بەوەی کە بەخەبات لە چوارچێوەی باڵەکانی ڕژێمدا بەرنەپێشەوە. لەدەوڵەتی ئەمریکاوە تا شازادەی چاوەرانی حوکمرانیەتی تا حزبی کۆمۆنیستی کریکار (( جل و بەرگی جەنگ))یان داکەندو بۆینباغ وکراواتیان بەست و لەدژایەتی کردنی جمهوری ئیسلامیەوە خلیسکان بۆ دژیەتی ئەحمەد نەژاد. هەموویان لە حزبی بی بی سی وسەڵتەنەت تەڵەب تا ئۆپۆرتۆنیستەکانی حزبی توودەو حککا لەگەڵ ئۆباماو مرکل و سارکۆزی، خەباتی خۆیان کێشکردە ژێر چەتری سەوزی جمهوری ئیسلامی. بزوتەوەی ناسیومنالیزمی ئیسلامی بەدەستی ناسیۆنالیستەکانی پرۆ غەرب، دەست بەندی سەوزیان لەدەستنا، ناسیونالستەکانی پرۆغەرب ئاڵای عەزەمەت تەڵەبی ئیرانیان دایەوە دەست ئیسلامیەکان. بۆرژوازی پرۆغەرب لەگەل جمهوری ئیسلامی ئاشتبوونەوە. لەم پرۆسەیەدا هەڵخلیسکانی سیاسی، چینە بالادەستەکان مافی ژنانیان فرۆشت، مافی کرێکارانیان فرۆشت، مافی گەنجانیان فرۆشت، ئازادیان فرۆشت. دڵی ژنانیان بە گوڵ و مێخەکی زرا خۆشکرد، ژنانیان هاندا کە ئارایشتەکانی خۆیان پاکنەوەو لە نۆیژی هەینیدا لەگەڵ ئیمامەتی ڕەفسنجانی بەشداری بکەن. ناسیونالیستە ڕێکخراوەکان لە ئیکس موسلیمەوە بە هێواشی ئالای(کۆنە موسلمانیان وەلاناو بەئیمامەتی سیاسی ڕەفسنجانی وکەروبی بوونەوە بەتازە موسلمان وخەڵکیان بانگێژی نوێژی هەینی ڕەفسنجانی کرد. لەم بادانەوەیەدا بزوتنەوەی سەوزو نوێژی هەینیەکەیان کردە پێشەکی باسی ئازادی سیاسی و شۆرشی کریکاری. لە غیابی ئامادەبوونی بەهێزی کۆمۆنیزم و چینی کریکار، ئەحمەد نەژاد گەورەترین بلۆکبەندی سەرمایەداری لە ئیران بە عنوانی داکۆکیکردن لە دادپەروەری ئابوری دەرخواردی چینی کریکار وخەلکی زەحمەتکیشدا. هەموویان درۆیان فەرموو، هەموویان کلاوبەرداری سیاسیان کرد تابتوانن بۆرژوازی لەهەرحالێکدا چ لە چوار چێوەی ئەحمەد نەژاد وموسوی ودەسەلاتادا بهێلنەوە. درۆیانکرد تابتوانن سەرک وەزیرو سەرک کۆماری نەوەی شۆرشگیرو کۆمۆنیست کوژیان وەک ڕابەرانی ئازادیخواز، سەردەستەی سەرکوتی ژنان وداهێنەری تیرزابکردنیان بەدەمووچاوی ژنانی بێ حیجاب لەسەر کورسی ڕابەری بزوتنەوەی ژنان ولۆمپن وقەمەکێشی گەورەترین گروپبەندی سەرمایەداری ئیرانیان وەک نوێنەری خەڵکی زەحمەتکێش بە کۆمەلگا قەبڵاند.
سەرسوڕهێنەر، بەرلە قارەمانیەتیەکانی خەلک، شەیتان بوونی سیاسیانەی جەریاناتی بۆرژوازی بوو، سەرسامهینەرانە، ڕوالەتی مەسەلەیەکی درۆزنانەیان خستیانە پیشچاوی کۆمەلگاو بەرادەیەک بە هەموو لایەکیان قەبلاند کەگوایە فازی یەکەم ودووهەمی هەلبژاردن لە ئیراندا لەسەر بەختەوەری خەلکی زەحمەتکێش و ئازادیخوازە. سەرسورهێنەرانە بادانەوەی حزب ولایەنەیە سیاسیەکان و ڕیز بەستنێکی نوێی لەسەر شانۆی سیاسی ئیران هاتە کایەوە. شانۆی سیاسی ئیران دوبارە گۆڕاو چینی کریکارو خەڵکی شۆڕشگێر دەبێ دۆستان و دۆشمنانی خۆیان لەم بومەلەرزەیەدا لەیاد نەکەن.

6- خەبات بۆ ئازادی لە خەبات بۆ یەکسانی جیانیە.
لەم ئالگۆرەدا یەکێکی تر لە شێوازە کلاسیکیەکانی بۆرژوازی نمایشکرا. لەلایەکەوە بزوتنەوەی سەوز نەک هەر هیچ پەیوەندی و هەلًپێکانێکی تایبەت بە((دادپەروەری ئابوری))و باشترکردنی بارۆدۆخی کارو ژیانی چینی کریکار، لەبیمەی بێکاریەوە بگرە تا هێنانە خوارەوەی سەعات کار ، لە قەدەغەکردنی دەرکردن تا مافی ڕێکخراوبوون ومانگرتن، قسەیەکی لەبارەی دیاریکردنی لایەنی کەمی کرێی کار لەلایەن نووێنەری ڕاستەوخۆی کرێکارانەوە نەکرد، بەڵکو لەبەرامبەر پروپاگەندەکانی لایەنی بەرامبەردا ... تا ئەمڕۆش ووشەیەک لەبارەی ئازادی زیندانیانی سیاسیەوە دەیڵێنەوە مەبەستیان لە هەڵسوڕاوانی سەوزە نەک رابەرانی چینی کریکارو کۆمۆنیستەکان. خاسیەتی بزوتنەوەی سەوز ئەوەبوو کە تەنانەت خوازیاری ئازادی سیاسیش نەبێ. نارازی بوون بەوەی کە ئەحمەد نژاد (( ئابڕویانی بردوە لەرامبەر بە خەلکی غەرب))و لە سونگەی هەلویستی بێدەماخی ئەشرافەوە بە (( بێ سەروپابوونی )) لە دەرونی کۆمەلگاوە هاتن و نارازای بوون بە ،،قیافەی مەیمونی،، ئەحمەد نەژاد.
وە هەرئەمە باروتێکی زۆری دایە لایەنی ئیسلامی ڕەش تا بەسەرمایە گوزاری کردن لەسەر ئەمە، (( بێ سەرو پێ، کانی)) کە لە دەرونی کۆمەلگاوە هاتبوون بەردە برسیەکان لە دەوری خۆیان هەڵخڕێنن و یا ئەوان پاسیف بکەن. بزوتنەوەی سەوز بۆ یەکەم جار لەمێژووی ئیراندا ، خەباتیان دژ بە جمهوری ئیسلامی لە چوراچێوەی ،، شارنشینانی سەرەوە ،، پێناسەکرد .
لەلایەکی تریشەوە ئەحمەد نەژاد و ئیسلامی ڕەش، ادعای باشترکردنی بارودۆخی ژیانی چینی کریکار دەکەن لەو پەڕی سەرکوت سیاسی و گوشاری فەرهەنگی. لەڕاستیدا بەڵێنیانداوە کە لە پرۆسەی ڕێکخستنەوەی سەرمایەداریدا کۆمەکی چینی کریکارو خەڵکی زەحمەتکێش، بە ،، هەژارن و بێ بەشان،، بکەن. هەوڵیاندا کە بەرهەم هێنەرانی سەروەت لە کۆمەلگادا مل بدەن بە ڕیزی سوڵکردن تا ئەوان بتوانن سەروەتی کۆملگا لە چوارچێوەی سوودا تایبەت بکەن بەخۆیان. چینی کریکارو خەلکی شۆڕشگیر لە ئیران جاریکتر بینیان کە خەبات بۆ ڕزگار بوونی فەرهەنگی لە خەبات بۆ ئازادی جیا نیە وە خەبات بۆ ئازادی لە خەبات بۆ بەرابەری، یانی خەبات بۆ ڕزگاری لە سەرماریەداری جیا نیە.
ئەگەر کەسێک ئازادی دەوێ دەبێ جێگەی خۆی لە ڕیزی خەباتکردن بۆ بەرابەریدا ببینێتەوەو ئەگەر کەسێک بەرابەری و ڕزگاربوونی لە سەماریەداری دەوێ، دەبێ ببێتە پێشڕەوی خەبات کردن بۆ ئازادیە سیاسی و فەرهەنگیەکان.

7 _ توانایەکانی جمهوری ئیسلامی
ئەزموونی ئەم جارەش نیشانیدا کە جمهوری ئیسلامی چ لەڕووی پایەگای کۆمەلایەتیەوە چ لەڕووی توانایی داکۆکردن لەخۆی بەهیچ جۆریک لەگەل ڕژێمی شادا بەراورد ناکرێت. جمهوری ئیسلامی ناتوێتەوە، جمهوری ئیسلامی بە ئایدۆلۆژیایەکی فاشیستی چەکدارەو لەوەش گرنگتر ئەوەیە کە هێزێکی ئایدۆلیۆژی لێوالێو چەکداری هەیە کە ئەگەر بکەێتە سەر ئەوبارە ئامادەیە کە کۆمەلگای ئیران بەهەمان دەردی عیراق و لبناندا بەرێ و بەنابوودیدا بکێشێت. ئەم مەترسیە بەشێکی گرنگ لەسەرمایەی بۆرژوازی بۆ ئاگادارکردنەوەی جەماوەری خەلک لە هەوڵدانیان بۆ سەرنگونی شۆرشگیرانەی ڕژێم و... نسکۆ یەک لەدوای یەکەکانی سیاسەتەکانی بۆرژوازیە لەبەرامبەر بەم ڕژێمەدا.
جمهوری ئیسلامی لەهەر هەنگاوێکیدا، نەیارانی بۆرژوازی خۆی بەسوری پەراوێزکردوە. هەرەسیی پێهێناون لەگەڵ ئەوەشدا ئەو خەڵکەی کە ئومێدێکیان بەو ئۆپۆزیسیۆنە هەبوو بێ هیوابوون. ئەمە سوڕانەوەیە لە بازنەیەکی بەتاڵدا کە بۆرژوازی بە بزوتنەوەی سەرنگونی جمهوری ئیسلامی داسەپاندوەو ئەمە یەکێک لە هۆکارە سەرەکیەکانی لەسەرکار مانەوەی جمهوری ئیسلامیە. جمهوری ئیسلامی ناتوێتەوە دەبێ ئەو بتوێنرێتەوە. جمهوری ئیسلامی لەپێناو بەرژوەندیەکی ئینسانیدا لەنێوناچێت، مەگەر ئەوەی کە نەخشەیەکی ووشیارانەو ئالایەکی ڕۆشن و ڕابەریەکی ڕۆشنتر ئەو سەرنگون بکات. دەبێت لە ئاسۆی بۆرژوازی سەرنگونی و گوڕینی جمهوری ئیسلامی تێپەڕین. دەبێ سیاسەتێکی کۆمۆنیستانەو کریکاری هەڵبژێدرێ. تەنیا هێزێک کە دەتوانێت ڕێگە بە لێکترازانێکی تەواو بگرێت لەلایەن دارودەستەکانی جمهوری ئیسلامی وە یا لایەنە چەکدارەکانەوە، هێزی ڕێکخراو چەکداری وجەماوەری چینی کریکار و خەڵکی شۆڕشگێرە. لە شوێن خاڵی بوونی ئەم هێزەدا لە ئیستەدا جمهوری ئیسلامی ماوەتەوەو یا ئیران بە ئاراستەی وەک عیراق بوونێکی چەند بەرامبەر خراپتردا دەروات. تەنیا چینی کریکارو شۆرشگیریەتی ئەم چینەیە کە دەتوانێ هێزو ئەنێرژی و ئاسۆی پێویست دەستەبەربکات بۆ سەرنگون کردنی جمهوری ئیسلامی.
لەم حاڵەبەدەر یا دەبێ بخزێنە ژێر باڵەکانی جمهوری ئیسلامیەوە یا دەبێت مل بدرێت بە گوزەران لەگەل جمهوری ئیسلامیدا.

8 _ بۆ سەرکەوتن بەسەر جمهوری ئیسلامیدا دەبێت ڕێکخراو هێزی سەرکەوتنمان هەبێت.
تاکتیکێکی سەرەکی جەریاناتی بۆرژوازی بۆ ڕێگرتن لە ڕێکخستن و ڕێکخراوبوونی چینی کریکار وخەڵکی شۆڕشگێر، تەلقینکردنی ئەو بۆچونەیە کە گوایە جمهوری ئیسلامی بەبێ ڕێکخراو، بەبێ رابەری، بەبێ پەرچەم دەتوانرێ سەرنگون بکرێ. کافیە کە پێغەمبەرێک، ئیمامێک یا ناوبژیوانێک پەیدا بێت و لە ڕێگەی تەلەفزیون و سەتەرلایتەوە خەڵکی ڕێنمای بکات بۆ مامەلە کردن لەگەل جمهوری ئیسلامی و بۆ پشک بەدەستهینان بێنە مەیدان، نەک بۆ سەرنگونی ئەو ! ئەم تێزە حەماقەت یا شەلاتیگەریەکی تەواوە. ئەمە تاکتیکی کەسێکە کە دەیەوێ خەڵکی بۆ مامەڵەکردن لەگەل جمعوری ئیسلامیدا ئامادە بکات بە مەبەستی پشک وەرگرتن نەک بەمەبەستی سەرنگونکردن.
ئەمە تاکتێکی جەریاناتێکە کە دەیانەوێ بە شۆڕشی ئاوروشیمی و سەوز لەسەرەوە ڕێگە بۆ سات وسەودا لەگەل جمهوری ئیسلامی خۆش بکەن بەبێ ئەوەی کە بواری یەکگرتووی و ڕێکخراوبوونی چینی کریکارو خەڵکی شۆڕشگێر بدرێت. لەم تاکتیکەدا ئیتر پەرچەمی سەرنگونکردنی جمهوری ئیسلامی گرنگ نیە، سەرنگونی مانای نیە، سەرئەنجام پەیوەست بوونی بۆرژوازی پرۆغەرب بە ڕەفسنجان و موسوی وە پەیوەست بوونی رەفسنجانی وموسویش بەبزوتنەوەی سەرنگونی ونوێژی هەینی وڕۆژی قدس وەک تاکتێکی سەرنگون کردنی جمهوری ئیسلامی دە ناسرێ. بەلام لەهەموو ئەمانە گرنگتر ئەم تاکتیکە لەبەرامبەر جمهوری ئیسلامی بەپێی پێناسەیەک کە شکستی هێناوە. دۆخ و بەرنامەی تەلەفزیۆنیەکانی لۆسئەنجلس ومیدیاکانی بۆرژوازی پرۆ غەربی ئیرانی لەماوەی دە ساڵی ڕابردودا نموونەیەکی ڕۆشنی ئەم تاکتیک و داهێنانە بوون. تاکتیکێک کە لە ئالوگۆڕەکانی ئەم دوایەدا ترۆپکی بێ توانای وپۆچی خۆی نیشاندا. هاتنە سەرشەقام بەس نیە، هەڵچونی بێ بەرنامە وەلامدەرەوە نیە. دەبێت ڕێکخراو هەبێ، دەبێ سسیاسەت هەبێ، دەبێ یەکگرتووی هەبێ، دەبێ ئەم شەڕە وەک شەڕێکی واقعی بەسەرکەوتن بگەیەنرێت. هێرشی سوورپیستان بە ڕیزەکانی دۆژمن، هەرچەند قارامانانە بێت، لەسەدەی 21و لەبەرامبەر بە دوژمنێکی وەک جمهوری ئیسلامی سەرئەنجام هەر شکست دێنێت. قارەمانیەتیەکانی هەموو ئەو خەڵکەش کە لەم شەڕدا بەشداریان کردوە تەنیا دەبێتە هۆی مامەڵەو دانوسات پیکردنی بەشە جۆربەجۆرەکانی بۆرژوازی. بۆ بەسەرکەوتن گەشتن دەبێ هێزی سەرکەوتنمان هەبێ، بۆ سەرنگونی شۆرشگیرتانەو جیاوازیەکانی بەهەموو جۆرەکانی تری سەرنگون کردنمان هەبیت. سەرنگونکردن دەبێ ڕێکخراو ڕابەری هەبێ. بۆ سەرکەوتن دەبێ بەهێزترین هێزی کۆمەڵگای ئیران یانی چینی کرێکاری بێتەمەیدان. ساتێک کە کریکارانی کارەبا، نەوت، گاز دەست لەکار بکێشنەوە ماتۆرو بەسیج و لەشکر ناتوانێت بچوڵێنەوە، سیستەم لە دووریانی ڕووخاندا قەرار دەگرێت، کەسێک کە ئەم ڕاستیە لەگوێی خەڵک دەشارێتەوە بێ توانا دەبێت لە نگون کردنی جمهوری ئیسلامی.

9 – کۆمۆنیزم و چینی کریکار بێ ریکخراو ، بەپێی پێناسە پاسیفە.
ئەزموونی جموجوڵی بەرفراوانی شارنشین لەئیران وئەزموونی بێ دەنگی چینی کریکار لەم ڕووداوانەدا، هەردووکیان نیشانەیاندا کە هەقیقەت ئەوەیە بەهێزی پەڕاکەندەو لاوازی کۆمۆنیستەکان و چینی کریکار ناتوانرێت ئالوگۆڕ پێک بهێنریت. کۆمۆنیستەکان کە لەڕووی ناچاریەوە خۆیان بە مەجبوور بزانن بۆ بەشداری کردن لە (( بزوتنەوی خەڵکید )) ، سەرئەنجام جێپێ یەکی وا لە پاش خۆیان جێ ناهێلن، لەو وێنە گەورەی کۆمەلگادا، بوون بە سەربازە لە سوپای سەوزدا. هەڵسوڕان گۆرینی واقعیەتە، نەک هەڵسوڕانی جەستەیی، لە کۆمەلگادا هەلسوڕان دیاریدەیەکی کۆمەلایەتیە، نەک قارەمانیەتی فەردی. کۆمۆنیستی تەنیا، کۆمۆنیستی بێ ڕێکخراو، کۆمۆنیستیک کە ناتوانێ خۆی لەئاستی کۆمەلایەتیدا نیشان بدات، بەهەموو ئەو قارەمانەتیانشەوە کە لەخۆی نیشان دەدات بێ کاریگەرەو ڕێگەیەکی بەدەر لە ڕەدوکەوتنی ئەو دۆخەی نیە. بۆ کۆمۆنیستێکی تاک ناتوانرێ تاکتیک نیشان بدرێت و ڕێگەیەک نیشان بدرێ. کۆمۆنیزم بەپێی پێناسە ڕێگەو تاکتێکە بۆ هەلسوڕانی کۆمەلایەتی نەک فەردی. کۆمۆنیزم لەم ئالوگۆڕەدا لە ڕیکخراوی پێویست بەهرەمەند نەبوو. لەو شوێنەشدا کە ڕێکخراوی هەبوو ئەو ڕێکخراوە توانای وەلامدانەوەی بە پیداویستیەکان لە ئاستی کۆمەلگادا نەبوو. توانای پیویستی بۆ وەلامدانەوە بە پروپاگەندەی بەرفراوانی بۆرژوازی لە سی ان ان وتەواوی میدیاکانی غەربدا نەبوو. چەپی ناسیونالیست وەک پێویست پەردەی لەسەر هەڵنەمالراو تەرێک نەخرایەوەو کۆمۆونیزم وەک پێوست ڕێکخراو بەهێز نەبوو. هەر هەمان واقعیەت بۆ چینی کریکاریش دروستە. کریکاری پەرژوبلاو هیچ هێزێکی نیە تەنانەت ئەگەر لە ئالوگۆڕە کۆمەلایەتیەکانیشدا بەشداری بووبێ. بەدەر لە ئیردای خۆی دەبێتە سەربازی بزوتنەوەیەک کە سەری هەڵداوەو چینی کریکار هێزی لە پێگەی بەرهەمهیناندایە، نەک لە هێزی بازو(( جوامیری))، یا نەبوونی ئەوەدا. کەسێک کە دەیەوێ شۆڕش بێ ڕێکخراوی چینی کریکار ڕیکبخات، شۆڕشەکەی پێویستی بە ڕێکخراوی یەکگرتووی نیە، ئەو شتە لەهەرحالدا لە شۆڕشی سەوزو ئاورشمی دژی ئازادی و دژی کریکار زیاتر نیە.

10 – دەبێت بە حزبی حیکمەتیستەوە پەیوەست بن
کۆمۆنیزم لەم دەورەدا لەهەرشونێک زیاتر لەحزبی حیکمەتیسدا خۆی نیشاندا. حزبی حیکمەتیست لە چەند ساڵی ڕابردودا وانەکانی سەرەوەو واقعیەتی بەشێوەیەکی بەردەوام ڕوو بەکۆمەڵگا نیشاندا. بۆ پەسەندکردنی هیچ کام لەو وانەی سەرەوە نیە کە حزبی حیکمەتیست لە سالانی ڕابردودا بە گیانی خۆیان خەباتیان نەکردبێت. مێژووی ئەم حزبە سەراپا هەوڵوتەقەلایە بۆ ڕێگرتن لە دووبارە نەبوونەوەی ئەو ئەزموونانە. هەوڵدان بووە بۆ هێنانە مەیدان و بەهێزکردنی چینی کریکارو سەرنگونی شۆشگیرانەی جمهوری ئیسلامی. هەرکەسێک کە وانەکانی سەرەوە پەسەند دەکات، دەبێت لەخۆی ببپرسێت کە ئایا بۆچی لە حزبی حیکمەتیستدا نیە ؟
ئەگەر حزبی حیکمەتیست لەوە بەهێزتر دەبوو، ئەم ئەزموونە دووبارە نەدەبووەوە. هێشتا درنگ نیە. کۆمیتەی ناوەندی حیکمەتیست هەموو کۆمۆنیستەکان و ڕابەران و هەڵسوڕاوانی کریکاری بانگەواز دەکات بۆ پەیوەست بوون بە حزبەوە. ڕەنگە گرنگترین وانەی ئەم ئەزموونە بە باش و خراپ ئەوە بێت کە ئەم حزبە تەنیا خاڵی هیوایە.

پلینۆمی 15ی کۆمیتەی ناوەندی حزبی کۆمۆنیستی کریکاری – حیکمەتیست
سیپتامبەری 2009
مانگی خرداد × دەکەوێتە نێوان مانگی ئایار و حوزیران

و : ڕێبوار عارف