|
دوا نیوەڕۆى ڕۆژى سێشەممە ڕێکەوتى 15/11/2009 حەسەن عەبدوڵلا
گەلاڵى کرێکارى بەشى سیانەى شەهید، سەربە بەڕێوەبەرایەتى دابەشکردنى کارەباى
سلێمانى، لەکاتى چاکردنەوەى محاویلەى گەڕەکى کارێزە وشک کارەبا لێدەداو لەبەرزایەوە
دەکەوێتە خوارەوە و گیان لەدەست دەداـ حەسەن عەبدوڵلا بەدواى تەمەنێک لەکارو ماندوو
بوون و تێپەڕکردنى ڕێچکەى مەترسى کارەوە بەهۆى نەبوونى پێداوێستیەکانى سەلامەتى
کارو گیانیەوە بوە قوربانى هەلومەرجى سەختى کارو سێستەمێک کەدەسەلاتداران بەسەر
بووارى کاردا بەڕێوەى دەبەن. بەلام حەسەن عەبدوڵلا نە یەکەمین قوربانى و نەئاخرین
گیانبەخت کردووى ئەم هەلومەرجە نالەبارى کارى کرێکارانى کوردستانە، بەڵکو تائێستا
سەدان حاڵەتى مەرگى کرێکارانى کارەبا تەنها لەبەریوەبەرایەتىیەکانى کارەباى سلیمانى
ودەوروبەرى تۆمارکراوە و دەیانى تریش هەربەهۆى نەبوونى پێداویستىیەکانى سەلامەتى
کارەوە دەست وقاچیان پەڕیوە و کەم ئەندام بوون. تەنانەت لەهەفتەى ڕابردووشدا ئاوێدر
سەلام لەبەشى کارەباى شارى کۆیە، گیانى لەدەستداوە.. هەموو ئەم حاڵەتانەش نیشان
دەدەن کەلە80%ى ڕووداوەکان بەهۆى نەبوونى ڕافیعەوە بووە، ئەمە لەکاتێکدایە
کەبەملیلر دۆلار لەبەردەستى بەرپرسیارانى پڕۆژەکانى کارەباو سیانەدایە وکەمترین
ئاوڕیش لەدابین کردنى ڕافیعەو پێداویستیەکانى ترى پاراستى گیانى و سەلامەتى کار
نەدراوەتەوە.
مەرگى حەسەن عەبدوڵلا و ئاوێدر و ئامارەکانى قوربانى شوێنى کار
بەڵگەن بۆئەوەى کە شوێنى کار بۆکرێکاران بووتە کوشتارگایەک و هەر ڕۆژەو هەرساتە
مەترسیەکانى هەڕەشە لەگیانى کرێکاران دەکات. کەڕاستەوخۆ بەرپرسیاریەتیەکەى دەکەوێتە
ئەستوى دەسەلاتدارانەوە. بەتایبەتى ئەوە ئەرکى دەسەلاتدران و وەزارەتى کارەبایە کە
جگەلەوەى کەدەبێ پێداویستیەکانى سەلامەتى کاربۆ کرێکاران لەباشترین ئاستدا دابین
بکەن، هاوکات قەربۆى تەواوى خێزانەکانى ئەم قوربانیانە بکەنەوە و ژیانى ئێستاو
داهاتوویان دابین بکەن.
بەلام کرێکارانى کوردستان ولەپێشیانەوە کرێکاران وکارمەندانى
بەڕێوەبەرایەتى کارەبا، نابێ ژیانى خۆیان وخێزانەکانیان تەسلیم بەم گوشتارگایە بکەن
و دەبێ بەخەباتى یەکگرتوو هوشیارانەى خۆیان ڕووبەڕووى ئەم هەلومەرجە سەختەى کار،
کەدەسەلاتداران دایان سەپاندووە، ببنەوە و بۆ چاکردنى بێنە مەیدانەوە. کۆبوونەوەى
کرێکاران لەدەورى خواستى"دابین کردنى ڕافیعەو سەرجەم پێداویستىیەکانى سەلامەتى کار"
و "قەرەبۆکردنەوەى تێرو تەسەلى خێزانى گیان بەختکردووانى شوێنى کار" ئەتوانێ
سەرەتایەک بێت بۆ بەرگرتن بەکارەساتە دڵتەزینەکانى شوێنىکار..
حیزبى کۆمۆنیستى کرێکارى کوردستان وێراى
دهربڕینى سەرخۆشى و هاوغەمى خۆى بۆ
هاوکاران وخێزانى حەسەن عەبدوڵلا و ئاودێر، هاوکات بەتەواوى توانایەوە لەپاڵ هەوڵى
کریکاران بۆ باشکردنى هەلومەرجى کارو بەدیهێنانى خواستەکانیان ڕادەوەستێ.
کۆمیتەى سلێمانى
حیزبى کۆمۆنیستى کرێکارى کوردستان
16/11/2009
K_slemany@yahoo.com
www.hkkurdistan.org
Tel: 07701427117
07501208254 | 