به‌ داخو په‌ژاره‌یه‌کی زۆره‌وه‌ هه‌واڵی گیان له‌ ده‌ستدانی هاوڕێ جمال مصریمان بیست.  ئه‌م هه‌واڵه‌ بۆ ئێمه‌ زۆر سه‌خت و ناخۆش بوو و بۆته‌ جێگه‌ی نیگه‌رانیمان.

هاوڕێ جمال ساڵانێکی دوورو درێژ  هه‌ڵسوڕاوی کۆمۆنیستی کرێکاریی بوو،  به‌رده‌وام کۆمه‌کی ده‌کردین و له‌ هه‌وڵی سه‌رخستنی ئامانجه‌کانماندا ڕۆڵی هه‌بوو. کۆمۆنیستێکی ناسراو و ئازیز و جیگه‌ی متمانه‌ی ئێمه‌ بوو. به‌ داخه‌وه‌ له‌ هه‌فته‌ی ڕابردوودا جه‌سته‌ی ئه‌م هاوڕێ ئازیزه‌ له‌ ماڵه‌که‌ی خۆیدا له‌ هێلسینکی ده‌دۆزرێته‌وه. تا ئێستا هۆکاری گیان له‌ده‌ستداناکه‌ی ڕوون نییه‌، بۆیه‌ ئێمه‌ و هاوڕێیان و دۆستانی هاوڕێ جمال مصری، له‌ په‌یوه‌ندی به‌رده‌وامداین له‌گه‌ڵ پۆلیسی هێلسینکیدا و به‌دواچوونی لیوه‌ ده‌که‌ین.

ئێمه‌ به‌شداری خه‌می خۆمان له‌ خانه‌واده‌و ته‌ووی دۆستانی  هاوڕێ جه‌مال ڕاده‌گه‌ێنین و ئومێده‌وارین ئه‌مه‌ دواهه‌مین ناخؤشی هه‌موو لایه‌ک بێت.

مسته‌فا باهر

به‌رپرسی کۆمیته‌ی فنلاندی

حزبی کۆمۆنیستی کرێکاریی کوردستان

2.10.2009