نیشاندانی ناڕه‌زایه‌تی دژی سیاسه‌ته‌کانی G8 له‌ میانه‌ی کۆبوونه‌وه‌ی هه‌شت ووڵاته‌ گه‌وره‌ پیشه‌سازی و ئابووریه‌که‌ی جیهان (ئه‌مه‌ریکا و ئه‌ڵمانیاو به‌ریتانیا و فه‌ره‌نسا و ئیتالیا و یابان و ڕوسیا و که‌نه‌دا) وه‌ به‌شداری 14 ووڵاتی میوان له‌ هویاکوی یابان. به‌مه‌به‌ستی چاکردنی باری ئابووری و گرفتی سووته‌مه‌نی و خۆراک له‌ جیهاندا ئه‌م کۆبوونه‌یه‌ ڕێکخرا و خوازیاری دانانی سیسته‌مێکی نوێ ی ئابووری بۆ باشکردنی گوزه‌رانی خه‌ڵک و هه‌ژاری به‌ تایبه‌تی له‌ ووڵاتانی بێ هێز له‌ ڕووی ئابوریه‌وه‌ ئه‌نجامدرا. به‌ڵام ئه‌وه‌ی جێی سه‌رنجه‌ ساڵانه‌ ئه‌م کۆبوونه‌وانه‌ ده‌به‌سترێ و ئابووری کرێکاران و هه‌ژارانی جیهان زیاتر ڕوو له‌ خراپ بوونه‌ چونکه‌ هه‌ر سیسته‌م و به‌رنامه‌ی ئابووری و سیاسی سه‌رانی ئه‌و ووڵاتانه‌ی ئه‌م کۆبونه‌وه‌یه‌ ده‌به‌ستن هۆکاری به‌رزبوونه‌وه‌ی نرخی خۆراک و سووته‌مه‌‌نی و کاڵاکانی ترن، خۆیان و سیسته‌مه‌که‌یان که‌ سه‌رمایه‌داری جیهانی یه‌ سوودمه‌نده‌ له‌م ته‌نگه‌ژه‌و قه‌یرانه‌. ڕێکخراوه‌کانی به‌شدار له‌م خۆپیشاندانه‌دا به‌ووتنی ووتار و لێدانی ته‌پڵ و مۆسیقا و دروشمی (نامانه‌وێ کۆبوونه‌وه‌ی سه‌رانی ووڵاتانی ده‌وڵه‌مه‌ند)، ( کۆمه‌ڵه‌ی ووڵاتانی گه‌وره‌ی پیشه‌سازی دابخه‌ن). خۆپیشانده‌رانی دژی (جی هه‌شت) له‌ شوێنی نزیک کۆبوونه‌وه‌که‌ ناڕه‌زایه‌تیان له‌ سیاسه‌ته‌کانی گروپی هه‌شت و سیاسه‌ته‌کانی ده‌ربڕیو له‌گه‌ڵ پۆلیسدا به‌یه‌کدا هه‌ڵپژان و نیشانیاندا که‌ئه‌م گروپه‌ نه‌ک ناتوانێ باروگوزه‌رانی خه‌ڵکی هه‌ژارو به‌شمه‌ینه‌ت بگۆڕێ و چاره‌یه‌ک بۆ قه‌یرانی ئابووری و خراپبونی که‌ش و هه‌وا دابنێ که‌ به‌شی زۆری دانیشتوانی ئه‌م سه‌رزه‌ویه‌ پێیه‌وه‌ ده‌ناڵێنێ، به‌ڵکو مه‌ینه‌تیه‌کانیان زیاتر ده‌کات و شه‌ڕو ماڵوێرانی زیاتر به‌ڕێوه‌یه‌.