ئەمرۆ 2/6/2010 وە فدێکی مەکتەبی سیاسی کە پێکهاتبوو لە نەوزاد بابان و شوکاک عبدالستار لەگەڵ شاندێکی ڕێکخراوی لێبوردنی نێودەوڵەتی ( ئەمنستی ئینتەرناسیونال ) کە بۆ لێکۆلینەوە لە کۆمەڵێک کەیس  بەتایبەتی کەیسی " سەردەشت عوسمان " هاتبوونە کوردستان، کۆبوونەوە.

لە کۆبوونەوەکەدا قسەوباس لەسەر دیاردەی تیرۆری سیاسی لەکوردستان بەشێوەیەکی گشتی و تیرۆری "سەردەشت عوسمان " بەتایبەتی کرا. هەروەها دیاردەی کوشتنی ژنان بەبیانووی ناموسپەرستی و تووندوتیژی بەرامبەر بە ژنان و ناچارکردنیان بە خۆکوشتن و خۆسووتاندن و توندوتیژی و چەوساندنەوەى کەمینە ئاینیەکانیش تەوەرێکی تری قسەوباسەکان بوون کە شاندەکەی ئەمنستی   بایەخ و گرنگیدانی خۆیان بۆ تەواوی ئەو کەیسان نیشاندا.

کۆبوونەوەکە نزیکەی سەعاتێکی خایاند.

سکرتاریەتی مەکتەبی سیاسی

حزبی کۆمۆنیستی کرێکاری کوردستان