ماڵه‌وه

نامه‌ی یه‌کێتی سه‌راسه‌ری رۆژنامه‌نوسان (NUJ) له‌به‌ریتانیا بۆ بارزانی

به‌دژی تیرۆری سه‌رده‌شت عوسمان

 یه‌کێتی سه‌راسه‌ری رۆژنامه‌نوسان

 National Union of Journalists  

Headland House, 308-312 Gray’s Inn Road, London WC1X 8DP   

info@nuj.org.uk    020 7843 3700

15 ی ئایاری 2010

عه‌داله‌ت بۆ سه‌رده‌شت عوسمان و ئازادی هه‌ڵسوڕانی سیاسی له‌ کوردستان

به‌رێز سه‌رۆك بارزانی

سه‌رده‌شت عوسمان. رۆژنامه‌نوسی کوردی 23 ساڵه‌ که‌ له‌ هه‌ولێر کاری ده‌کرد رۆژی 4ی ئایار له‌ کاتژمیر 8.30ی به‌یانی له‌به‌رده‌م به‌شی زمانه‌کانی زانکۆی سه‌لاحه‌دین له‌ شاری هه‌ولێر رفێنرا. ته‌رمه‌که‌ی رۆژی 6ی ئایار له‌ موسڵ ده‌دۆزرێته‌وه‌.

به‌رله‌مردنه‌که‌ی، سه‌رده‌شت عوسمان چه‌ند بابه‌تێکی له‌ بڵاوکراوه‌ی ئاشتینامه‌دا که‌ له‌هه‌ولێر بڵاوده‌بێته‌وه و ‌ له‌چه‌ند بڵاوکراوه‌‌ی دیکه‌دا نوسیبوو. به‌پێی ماڵپه‌ڕه‌ کوردیه‌کان، ناوبراو له‌م دواییانه‌دا بابه‌تێکی له‌ ئاشتینامه‌دا بڵاوکردبوه‌وه و ره‌خنه‌ی له‌ که‌سایه‌تیه‌ سیاسیه‌  کوردیه‌ خاوه‌ن پله و ده‌سه‌ڵاته‌کان گرتبوو که‌ به‌هۆی ئه‌وه‌وه‌ چه‌ندین هه‌ره‌شه له‌ لایه‌ن جهه‌تی نه‌ناسراوه‌وه‌ بۆ مۆبایله‌که‌ی نێردرابوو.

ئێمه‌  په‌یوه‌ست ده‌بین به‌ رێکخراوی لێبوردنی نێوده‌وڵه‌تی(ئه‌منستی نیته‌رناسۆناڵ) و  فیفراسیۆنی سه‌راسه‌ری په‌نابه‌رانی عێراقی له‌ مه‌سه‌له‌ی سه‌رکۆنه‌کردنی کوشتنه‌که‌دا. سه‌ره‌ڕای ئه‌وه‌، پێده‌چێ که‌ رفاندن و کوشتنی سه‌رده‌شت عوسمان دواهه‌مین ئه‌ڵقه‌ بێت له‌ زنجیره‌ی هێرش و په‌لاماره‌کان که‌ له‌دژی رۆژنامه‌نوسه‌ سه‌ربه‌خۆکان ئه‌نجامدراون له‌م ساڵانه‌ی دواییدا.

یه‌کێتی سه‌راسه‌ری رۆژنامه‌نوسانNUJ) داوا له‌ حکومه‌تی هه‌رێمی کوردستان ده‌کات که‌ ئه‌و که‌سانه‌ی له‌ کوشتنی سه‌رده‌شت عوسمان و سه‌رجه‌م په‌لاماره‌کان بۆسه‌ر رۆژنامه‌نوسان به‌رپرسیارن  بدۆزێته‌وه‌و ته‌سلیمی دادگایان بکات.

دڵسۆزتان                                                                 

جێرمی دیه‌ر

سکرتێری گشتی(NUJ)

ماڵه‌وه