سەعات 10 سەرلەبەیانى رۆژى 11-05-2010، بەسەدان کەس لە خەلکى ئازادى خوازى شارى رانیە کە لە سەرجەم چین و تویژەکان پیک هاتبوون، رێپێوانێکى جەماوەریان لە ناو شارى رانیە بەرى خست و دواتریش لە بەردەم باخى گشتى رانیە کۆبوونەوە و ووتەیەک لە لایەن لیژنەى سەرپەرشتی ریپیوانەکەوە پیش کەش کرا و هەروەها یادداشتیک بەرزکرایەوە بۆسەرۆکى هەریم و حکومەتى هەریمى کوردستان، کە تیایدا بە ناوى خەڵکى رانیەوە داواى ئاشکرا کردن و سزادانى بکوژانى سەردەشت عوسمان و سورانى مامە حەمە و هەموو قوربانیانى دەستی تیرور کرابوو، لە هەمان کاتدا داواى بەقەرار کردنى ئازادى وئازادى بیرورا دەربرین کرا بوو .

شیاوى باسە لە کاتى ریپیوانەکەدا چەندین دروشم دژ بە تیروریستان ووترانەوە وهەروەها دوا ووتارى سەردەشت عوسمان بە ناوى (یەکەمین زەنگى کوشتنم لى درا) خوینرایەوە.

وە لە کاتى ریپیوانەکەدا بە دەیان نوسخە لە بەیانى حزبی کۆمۆنیستی کریکاریی کوردستان سەبارەت بە تیرورى سەردەشت عوسمان بلاو کرایەوە.