بەرواری 11/5/2010 لە سەنتەری ستۆکهۆڵمی پایتەختی سوید، بە بانگەوازی حزبی کۆمۆنیستی کرێکاریی کوردستان و کومیتەی داکۆکی لە مافی ژنان، کۆبونەوەیەکی نارەزایەتی بەرامبەر بە رفاندن و تیرۆری دڕندانەی خوێندکارو رۆژنامەنوس" سەردەشت عوسمان" وەڕێخرا.

کۆبونەوە جەماوەریەکە  بە چەندین لافیتە و تراکت و وێنەی سەردەشت عوسمان  و بەبەشداری ژمارەیەکی بەرچاو لەرەوەندی کوردی وئازادیخوازان و هاورێیانێک لە حزبی کۆمۆنیستی کرێکاری ئێران – حیکمەتیست دەستی پێکرد. پاشان هەریەک لەعەبدوڵا مەحمود و شەماڵ عەلی لە حزبی کۆمۆنیستی کرێکاریی کوردستان وتەیان پیشکەش کرد کە تیایدا وێرای ئیدانەکردنی ئەم تاوانە ئاماژەیاندا بە زەمینەکانی سازکردنی کەش و هەوای ترس و تۆقاندن و هێرش بۆسەر ئازادی سیاسی و ئازادی بەیان و رادەربرین بڵاوکردنەوە و تیرۆری یەک لەدوای یەکی هەڵسوراوانی سیاسی و ڕۆژنامەنوسان، لەلایەن دەسەڵاتی میلیشیایی پارتی و یەکێتی و ئامانجێک کە لە رێگای تیرورو تۆقاندنەوە بەدوایەوەن، کە تیرۆری ئازادی و ئازادیخوازیە. وە ئاماژەیان بە گرنگی بەردەوامیدان بە نارەزایەتی و خۆپیشاندانەکانی کوردستان و دەرەوەی وڵاتداو پێیان لەسەر پیداویستی بەرینکردنەوەو سەراسەریکردنەوەی داگرت ، تا دەسەڵات ناچار دەبێت  نەخشەسازان و بکوژان و سەردەشت عوسمان و ئاشکرا بکەن وهەموو ئەو بەندو دەستەواژەی  وەک ئادابی گشتی،  مقەدەساتی نیشتمانی و دینی و نەتەوەیی و...لە یاساکاندا، لاببرێن.

هەروەها هەڵاڵە رافع لە کۆمیتەی داکۆکی لەمافی ژنان و سارا محەمەد لەرێکخراوی هەرگیز پیلا و فادیمە لەیاد ناکەین بە زمانی سویدی قسەوباسیان پێشکەش کرد، کە ویرای ئاماژەدان بە چۆنیەتی رفاندن و تیرۆری سەردەشت عوسمان، هاوکات باسی دەسەڵاتی دژە ئازادی پارتی و یەکێتی و ئەو پیشیلکاریانەیان کرد  کە لە کوردستان ئەنجامیان داوە بەرامبەر بە ئازدی و ژنان.

هەروەها فارس مەحمود سکرتیری کۆمیتە مەرکەزی حزبی کۆمۆنیستی کرێکاریی عێراق وتەیەکی بە زمانی عەرەبی پێشکەش کرد، کە تیایدا ئیدانەی تاوانی تیرۆری سەردەشت عوسمان  و هیرشی دەسەلاتی کوردی بۆ سەر فەزای سیاسی و ئازادیخوازی کوردستان کرد.

پاشان رەسول بناوەند لە حزبی حکمەتیست، وتەیەکی پیشکەشکرد. کە هاودەردی حزبی حیکمەتیستی بۆ ئەم ناحەقییە راگەیاند و ئامادەیی خۆیانی بۆ راوەستان لە پاڵ حزبەکانی کۆمۆنیزمی کرێکاری لە عێراق و کوردستان راگەیاند بۆ بەرگری لە ‌هێرش بۆ سەر ئازادی و ئازادی رۆژنامەگەری.. دوپات کردەوە.

شایانی باسە بەسەدان بەیاننامە بە زمانی کوردی و ئینگلیزی، دابەشی ئامادەبوان و راگوزەران، کرا.