سەر لەبەیانی ئەمڕۆ ڕۆژی یەکشەممە ڕێکەوتی 9/5/2010 کاتژمێر 10:30 ی بەیانی تەشکیلاتی زانکۆی کۆمیتەی سلێمانی حزبی کۆمۆنیستی کرێکاری کوردستان لەگەڵ کۆمەڵێک خوێندکاری ئازادیخواز هەستان بەسازدانی ڕێپێوانێک لەناو زانکۆدا و دژ بە تێرۆر کردنی سەردەشت عوسمان. هه‌روه‌ها کۆمەڵێک بەیاننامەی حزب له‌و په‌یوه‌نده‌دا بڵاوکرایەوە ، وه‌چەند لافیتەیەکی حزبیش لە دەوری زانکۆدا هەڵواسران پاشان هەر لەو ڕێپێوانەدا چەند کەناڵێکی ڕاگەیاندن هاتبون بۆ ئەوەی چاوپێکەوتن لەگەڵ خۆپیشانده‌ران سازبده‌ن کە ڕێگەیان پێنەدرابوو بێنە ناو زانکۆوە هەر بۆیە بڕیاردرا ڕێپێوانەکه‌ ببرێته‌ بەردەم زانکۆ و لەوێدا چاو پێکەوتنەکە سازبدەێ .

هەر سەر لە ئێوارەی ئەمڕۆ کۆمەڵێک لە هاوڕێیان هەستان بەهەڵواسینی چەند لافیتەیەک بەناو شاردا، به‌کۆمه‌ڵێک شیعار دژ بە تێرۆر کردنی سەردەشت عوسمان.