دوایى وه‌لاَمدانه‌وه‌ى خه‌لَكى كوردستان و نووسه‌ران و رۆشنبیران و رۆژنامه‌نوسان به‌ پرۆژه‌ى مه‌لا و حیزبه‌ ئیسلامیه‌كان بۆ زیاتر به‌رته‌سك كردنه‌وه‌ى ئازادییه‌كان و سانسۆر و كۆنترۆلَى زیاترى نووسن و بلاَوكردنه‌وه‌ و راگه‌یاندن،ئیسلامیه‌كان رووه‌ راسته‌قینه‌كه‌ى خۆیان ده‌رخست و به‌ هه‌موو شیَوه‌یه‌ك كه‌وتنه‌ هه‌ره‌شه‌ و په‌لاماردان بۆ جىَ خستنى به‌دیله‌كانى خۆیان و به‌ شیَوه‌یه‌كى زۆر نامه‌دیانه‌ و دوور له‌ هه‌ر فه‌رهه‌نگیَكى ئینسانى و سیاسى هیَرش ده‌كه‌ن و ئیهانه‌ و سوكایه‌تى به‌ خه‌لَك و نووسه‌ران و

رۆژنامه‌نووسان ده‌كه‌ن،له‌ سه‌ره‌تادا ده‌ستیان بۆ ئه‌و كه‌سانه‌ بردوه‌ كه‌ رووبه‌ڕوویان بوونه‌ته‌وه‌ و وه‌لاَمیان داونه‌ته‌وه‌ و خه‌لَكیان له‌ تاریكى و مه‌ترسیه‌كانى ئاگادار كردۆته‌وه‌،به‌هه‌رحالَ خۆزگه‌ هه‌ر له‌ نووسین و بلاَوكردنه‌وه‌ تیَپه‌ڕى نه‌كردایه‌ و به‌مه‌ش نه‌وه‌ستان راسته‌وخۆ و ناراسته‌وخۆ و به‌ ئاشكرا و به‌ نهیَنى وه‌كو پیشه‌ى هه‌میشه‌ییان هه‌ره‌شه‌ ده‌كه‌ن تۆمه‌ت و سوكایه‌تیان پىَ ده‌كه‌ن،گه‌یشتۆته‌ ئاستیَك له‌سه‌ر شاشه‌ى ته‌له‌فزیونى نه‌ورۆز محمد بازیانى كۆنه‌ بزووتنه‌وه‌ى ئیسلامى به‌ هه‌موو ئه‌و نووسه‌ر و رۆژنامه‌نوس و خه‌لَكى نارازى ده‌لَیَت: ( ئه‌وانه‌ گیَل و نه‌خۆش و نه‌فام و سه‌رلىَشیَواون!)،ته‌نها له‌به‌ر ئه‌وه‌ى داوایان كردووه‌ ته‌نها وه‌كو كاك محمده‌كان گفتوگۆبكه‌ن و بنوسن  و راكانیان ده‌ربڕن،به‌مه‌رجیَك كه‌س نه‌یانكوژىَ!

به‌راستى ئیَمه‌ نازانین ئیسلامیه‌كان و میَجه‌ر و عه‌مامه‌ به‌سه‌ره‌كان و ره‌وته‌ ئیسلامیه‌كانى كوردستان چیان ده‌ویَت؟!بۆ لیَناگه‌ریَن سه‌ربارى هه‌زار و یه‌ك كیَشه‌ و گرفت و كه‌مووكوڕى پیَداویستى رۆژانه‌دا ،خه‌لَك ژیان بكات و له‌ هه‌ولَدابیَت بۆ ده‌ست راگه‌یشتن به‌ ژیانیَكى بىَ چین و چه‌وسانه‌وه‌؟ به‌ ئاره‌زووى خۆیان له‌ له‌ مینبه‌رى مزگه‌وته‌كاندا ووتارى ئاگرین بلاَوده‌كه‌نه‌وه‌ و خه‌لَكى ده‌ترسیَنن و هه‌ره‌شه‌یان لىَ ده‌كه‌ن و فتواى كوشتنیان ده‌رده‌كه‌ن و سه‌رى مانگانیش مووچه‌یه‌كى چه‌ور و نه‌سریه‌كى باش له‌ ده‌سه‌لاَتداران وه‌رده‌گرن و له‌ هیچ شتیَكیان كه‌م نیه‌،ئازادانه‌ ده‌نووسن و بلاَوده‌كه‌نه‌وه‌ و ده‌كوژن و له‌ت و په‌ت ده‌كه‌ن و ده‌خنكیَنن و ده‌ته‌قیَننه‌وه‌ و سه‌ر ده‌بڕن و زینده‌به‌چالَ ده‌كه‌ن و .....،كه‌چى له‌به‌رامبه‌ر ره‌خنه‌ و نووسین و بلاَوكردنه‌وه‌ى لیَكۆلَینه‌وه‌یه‌كى زانستى و میَژووى هیستریا ده‌یانگریَت،ئه‌ى بۆچى وه‌لاَمیَكى مه‌نتقى و به‌ به‌لگه‌ ناده‌نه‌وه‌ و هه‌ره‌شه‌ ده‌كه‌ن و له‌لایه‌كى تریش هاوار بۆ سه‌رۆكى هه‌ریَم ده‌به‌ن بۆ ئه‌وه‌ى فرییان بكه‌ویَت و ئه‌و كۆمه‌لَگا تاریكتر بكه‌ن و به‌ یاسا و ده‌ستوور كه‌س زات نه‌كات و هیَلَى سوور نه‌به‌زیَنیَت.زیاتر له‌ هه‌زار سالَه‌ ئیَوه‌ ئه‌و كار و كرده‌وه‌تان بووه‌ و ده‌تانه‌ویَت له‌ سه‌ده‌ى بیست و یه‌كیش له‌ سه‌رده‌مى پیَشكه‌وتنى زانشت و هۆشیارى و چاوكراوه‌ى به‌ هه‌مان شیَوه‌ بۆتان بچیَته‌ سه‌ر و خه‌لَك بڕواتان پىَ بكات؟!

ده‌میَكه‌ سامیه‌ لابیدى نووسه‌ر گووتویه‌تى(شتیَك كه‌ به‌بىَ ده‌لیل و مه‌دره‌ك،به‌چاوبه‌ستراوى قبولَكرابیَت،به‌بىَ ده‌لیل و مه‌دره‌كیش ده‌خریَته‌ كه‌ناره‌ و ده‌رده‌كریَت...)ئیسلامیه‌كان له‌به‌ر ئه‌وه‌ى ناتوانن وه‌لاَمیَكى قانعكه‌ر و دورست به‌ خه‌لَك و نووسه‌ران بده‌نه‌وه‌ و به‌لَگه‌ و دیكۆمیَنته‌كانیان هیَنده‌ لاوازه‌ ته‌نانه‌ت جیَگاى پیَكه‌نین و گالَته‌جارییه‌،بۆیه‌ ده‌یانه‌ویَت وه‌كو هه‌موو جاره‌كانى پیَشووتر ئه‌مجاره‌یان له‌ (كه‌مترین باوه‌ڕ)ده‌رچیَت و هیَرش ده‌به‌ن.

ئه‌وان پیَویسته‌ بخریَنه‌ ژیَر چاودیَرى چاكسازییه‌وه‌ یارمه‌تیان بدریَت و هاوكارى بكریَن،چونكه‌ به‌ هه‌موو شیَوه‌یه‌ك له‌ هه‌ولَدان بۆ دژایه‌تى كردنى حه‌ز و خۆزگه‌ و هیواو ئاواته‌كانى خه‌لَكى كوردستان و لاوان و گه‌نجان و ژنان و منالاَن به‌ تایبه‌ت، ئیَمه‌ ده‌لَیَین ژنان و ئافره‌تانیش وه‌كو هه‌ر مرۆڤیَكى دیكه‌ و پیَویسته‌ یه‌كسان بن و ئازادانه‌ مامه‌لَه‌بكه‌ن،پیَمان ده‌لَیَن ئیَوه‌ له‌ به‌ڕه‌لاَیى ده‌گه‌ریَن و به‌د ئه‌خلاقى بلاَوده‌كه‌نه‌وه‌!!!ئیَمه‌ ده‌لَیَین ده‌بیَت منالاَن و هه‌رزه‌كاران كه‌ میَشك و بیر و هۆشیان كاملَ نیه‌ و له‌هه‌موو جۆره‌ توندوتیژى و هه‌ر په‌روه‌رده‌یه‌كى مه‌زهه‌بى و قه‌ومییه‌وه‌ به‌دووربن بۆ ئه‌وه‌ى نه‌وه‌یه‌كى ته‌ندورست دوورست بیَت،ئیَمه‌ ده‌لَیَین یاسا و ده‌ستوور نابیَت بكریَته‌ ته‌وقیَك و گه‌رده‌نى مرۆڤه‌كانى پىَ زنجیر بكریَت و دوور بیَت له‌ سه‌پاندنى هه‌ر بیروباوه‌ر و ئایدلۆژیایه‌ك بۆ ئه‌وه‌ى ئینسانه‌كان خاوه‌نى ئیراده‌ى و تواناكانیان بن،ئه‌وان ده‌لَیَن به‌هیچ شیَوه‌یه‌ك نابیَت یاسا و ده‌ستوور سه‌ربه‌خۆبن و ده‌بیَت دین و بیروباوه‌ره‌ ئاینیه‌كان سه‌رچاوه‌ى سه‌ره‌كى بن له‌ دارشتنى،ئیَمه‌ ده‌لَیَین ده‌بیَت هه‌موو شته‌كان قسه‌ى له‌سه‌ر بكریَت بۆ ئه‌وه‌ى گومانه‌كان نه‌میَنن،به‌لاَم ئه‌وان هیَلَى سوورمان بۆ دیار ده‌كه‌ن و به‌زاندنى ئه‌و هیَلاَنه‌ش به‌ سزایى مه‌رگمان ده‌گه‌یه‌نن تاكو هه‌میشه‌ له‌نیَو دوودلَى و گومڕاییدا بژین... .

هه‌موو ئه‌مانه‌ به‌ شویَنى خۆى،به‌لاَم نه‌بوونى ده‌سه‌لاَتیَكى مه‌ده‌نى و لیَواو لیَو له‌ گه‌نده‌لَى و خاوه‌ن هیَزیَكى میلشیایى ده‌رفه‌تى بۆ ئه‌و كۆلكه‌ مه‌لایانه‌ ره‌خساندووه‌ تا بریار و راسپارده‌ شه‌رمهیَنه‌ره‌كانیان به‌سه‌ر نه‌وه‌ى سه‌ده‌ى بیست و یه‌ك،كوڕان و كچانى سه‌رده‌مى رۆبۆت و ته‌كنه‌لۆجیادا تاقیبكه‌نه‌وه‌،ئه‌گه‌ر ده‌سه‌لاَتى له‌رزۆك و به‌رژه‌وه‌ندیخوازانه‌ى پارتى و یه‌كیَتى نه‌بیَت،ئه‌گه‌ر سات و سه‌ودا و سیاسه‌تى نان به‌نرخى رۆژى ناسیونالیستى كوردى نه‌بیَت،هه‌رگیز ئه‌و ره‌وته‌ ئیسلامیانه‌ و پرۆژه‌كانیان له‌به‌رده‌م ناره‌زایه‌تى پڕ له‌ توڕه‌یى گه‌نجان و لاوانى كچ و كوڕ و ژنان و منالاَنى كوردستان،ناتوانىَ بوه‌ستىَ،ئه‌گه‌ر پالَشتى و هاوكارى ده‌سه‌لاَتدارانى كوردستان نه‌بیَت به‌ بیست و چوار سه‌عات ئه‌م نویَنه‌رانه‌ى تاریكى ئاسه‌واریَكیان له‌ كوردستان نامیَنیَت.  

Bashdar_net@yahoo.com