Home 6 ئەرشیفی بابەتەکان 6 حزبی کۆمۆنیستی فنلاند پشتگیری خۆیان بۆ کەمپینی ئازادکردنی گیراوەکانی کوردستان  دەربڕی! …

حزبی کۆمۆنیستی فنلاند پشتگیری خۆیان بۆ کەمپینی ئازادکردنی گیراوەکانی کوردستان  دەربڕی! …

لەدرێژەی ئەو کەمپەینەی کە ڕێکخراوی دەرەوەی حزبی کۆمۆنیستی کرێکاریی کوردستان بەڕێیخستوە بۆ ئازادکردنی هەڵسوڕاوانی خۆپیشاندان وناڕەزایەتیەکانی ئەم دواییانەی شارەکانی کوردستان و دژ بەگرتنی خۆپیشاندەران لەلایەن دەزگا ئەمنیەکانی حکومەتی هەرێمی کوردستانەوە، رۆژی ١٠/٩/٢٠٢٠ هەریەك لە مستەفا باهر  و  ڕێبوار عارف کادری حزب، سەردانی حزبی کۆمۆنیستی فنلاندیان کرد لە هێلسینکی  وە لەلایەن سکرتێری حزبی ناوبراوەوە  بەڕێز (یوها  پێککا (Juha-pekka ) وە  پێشوازیان لێکرا.

لەم کۆبوونەوەیەدا لەسەر  بارودۆخی سیاسی کوردستان بەتایبەتی لەسەر خۆپیشاندانی ئەم دوایانەی خەڵکی کوردستان کە  دژ بە نەبوونی موچەو کەمی خزمەتگوزاریەکان ڕژابوونە سەرشەقامەکان و خۆپیشاندانیان ئەنجام دابوو قسەباس کرا هەروەها لەسەر گرتنی ژمارەیەکی بەرچاو لەخەڵکی خۆپیشاندەر کە لەلایەن دەزگا ئەمنیەکانی حکومەتی هەرێمەوە دەستگیرکراون قسەوباسکرا هاوکات نامەیەکی ڕێکخراوی دەرەوەی حزبی کۆمۆنیستی کرێکاریی کوردستان و نامەی هەڵسوڕاوانی شارۆچکەی ڕانیە وە شارۆچکەی زاخۆ خرانە ڕوو.

دوای تاوتوێکردنی بارودۆخە کە، بەڕێز( یوها پێککا)  پشتگیری خۆیان بۆ کەمپەینی حزبی کۆمۆنیستی کرێکاریی کوردستان و داخوازیەکانی خۆپیشاندەران دەربڕی و  رایانگەیاند کە نامەیەك ئاراستەی  حکومەتی هەرێم بکەن و بەتوندی  ناڕەزایەتی خۆیان دەربڕن. هاوکات هەمان ڕۆژ لە ماڵپەڕی ئەو حزبەدا ڕاپۆرتی ئەم دیدارەیان  بڵاوکردەوە و پشتگیری خۆیان بۆ ئەم کەمپینە ڕاگەیاند.

لەبەردەوامبوونی ئەم کەمپەینە و چالاکیەکانی ئاگادارتان دەکەینەوە.

لینکی راپۆرتی حزبی کۆمۆنیستی فنلاند:

https://www.skp.fi/node/13572?fbclid=IwAR0bJQkoeEi5_eAn62650Dnuk5xJ7mtlRdkXedMgJCXS_szeG239eHLVrbo

 

ڕێکخراوی دەرەوە ی حزبی کۆمۆنیستی کرێکاریی کوردستان

١٢/٠٩/٢٠٢٠

About hkkk

Check Also

پشتیوانی نامەی کراوەی …

پشتیوانی نامەی کراوەی  (کۆمیتەی داکۆکیکار لە مافو ئازادیەکانی/ هەرێمی کوردستان-عێراق) سەبارەت بە  دەستگیرکراوەکانی هەولێر و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *