Home 6 ئەرشیفی بابەتەکان 6 سه‌باره‌ت به‌ كوشتن و سه‌ركوتی خۆپیشانده‌ران نامه‌یه‌ك ئه‌درێته‌ كۆمیته‌ی ده‌ره‌وه‌ و به‌رگری له‌ په‌رله‌مانی نه‌رویج …

سه‌باره‌ت به‌ كوشتن و سه‌ركوتی خۆپیشانده‌ران نامه‌یه‌ك ئه‌درێته‌ كۆمیته‌ی ده‌ره‌وه‌ و به‌رگری له‌ په‌رله‌مانی نه‌رویج …

له‌ دوای په‌یوه‌ندیه‌ك به‌ ڕاوێژكارێكی به‌شی نێوده‌وڵه‌تی له‌ كۆمیته‌ی ده‌ره‌وه‌ و به‌رگری له‌ په‌رله‌مانی نه‌رویج، کۆمیتەی نەرویجی حیزبی کۆمۆنیستی کرێکاریی کوردستان نامەیەکی ئاڕاستەی کۆمیتەی ناوبراو کرد سەبارەت بە تەقە کردن لە خۆپیشاندان و سەرکوت لە کوردستان. هه‌ر به‌ دوای ئه‌وه‌دا ڕۆژی هه‌ینی ١١ ی دیسێمبه‌ر، كریستین سۆممه‌ر بیۆرنسن ڕاوێژكاری ناوبراو له‌ ئیمه‌یڵێكدا جه‌ختی كرده‌وه‌ كه‌ نامه‌كه‌ خراوه‌ته‌ به‌رده‌ستی ئه‌ندامانی كۆمیته‌كه‌ له‌ په‌رله‌مان.

ده‌قی نامه‌كه‌:

بەڕێزان …

لەماوەی چەند رۆژی ڕابردودا خۆپیشاندان و ناڕەزایەتی لە بەشێک لە شار و شارۆچکەکانی هەرێمی کوردستان (عێراق) ڕوویاندا. مامۆستایان و فەرمەنبەران و کرێکاران و دەرچوانی زانکۆ و پەیمانگاکان و بێکاران و جەماوەری بێبەش هاتنە سەرشەقامەکان. داوای موچەی نه‌دراوی چەند مانگی رابردوویان ئەکرد. داوای باشترکردنی هەلومەرجی ژیان و باشتر کردنی خزمەتگوزاریەکانی ئاو و کارەبا و تەندروستی و …هتدیان ئەکرد. بەڵام ده‌سه‌ڵاتداران لەبری وەڵام بە داخوازیەکانی خەڵک بده‌نه‌وه‌، کەوتنە سەرکوتی ناڕازیان. هێزە ئەمنیەکانی سەر بە دەسەڵات و بە تایبەتیش میلیشیاکانی پارتی و یەکێتی تەقەیان لە خۆپیشاندەران کرد، گازی فرمێسکڕێژیان بەکار هێنا، بەشداربوان و هەلسوڕاوانیان راوەدونا و ژمارەیەکی زۆریان دەستگیرکرد. تا ئێستا ١٠ کەسیان لە خۆپیشاندەران کوشتووە و دەیانیشیان بریندار کردووە كه‌ لە نێو کوژراوەکاندا منداڵی تێدایە.

سەرنجی ئێوە بۆ کردەوە دڕندانەکانی دەسەڵاتداران رادەکێشین و داواکارین کە لەم بارەیەوە هەلوێستی خۆتان بنوێنن. چاوەڕوانی ئەوەتان لێ دەکرێ کە داکۆکی لە مافەسەرەتاییەکانی جەماوەری کوردستان و مافەدیموکراتیکەکانیان بۆ خۆپیشاندان و نارەزایەتی دەربرین بكه‌ن.

نوێنەرانی حکومەتی هەرێم کاتێك دێن بۆ نەرویج خۆیان زۆر بە ئاشتیخواز و دیموکراتیخواز نیشان ئەدەن، بەلام بە پێچەوانەوە سەرکوتگەرن. ئەوان ژیانی خەڵكیان وێران کردووە کەچی مافی ناڕەزایەتی دەربڕینیش هەر بەو خەڵکە نادەن.

هەربۆیە داواکارین لە بەڕێزتان کە:

  1. دژی کردەوە سەرکوتگەریەکانی دەسەلاتداران رابوەستن و کوشتار و دەستگیرکردن مەحکوم بکەن.
  2. خوازیار بن تاوانباران و ئەوانەی لە پشتیانەوە وەستاون دەبێت بدرێن بەدادگا.
  3. خوازیار بن هەموو دەستگیراوەکان ئازاد بکرێن.
  4. مافی خەڵكی کوردستان بۆ ژیانێکی شکۆمەندانە داکۆکی لێ بکەن.

داواکارین لە بەڕێزتان لە پەرچەکرداری خۆتان ئاگادارمان بکەنەوە و وێنەی ناڕەزایەتیتان لە دژی دەسەڵاتداران لە کوردستان بۆ ئێمەش بنێرن.

ناوی کوژراوەکان بریتین لە:

  1. حه‌مزه‌ شارستێن، ‌
  2. محه‌مه‌د عومه‌ر فه‌ره‌ج، ته‌مه‌نی ١٥ ساڵه‌
  3. هه‌رێم عه‌لی، سه‌یدسادق، ته‌مه‌نی ١٣ ساڵه‌
  4. هیوا فوئاد، ته‌كیه‌
  5. ئاكۆ سلێمان، كفری
  6. سه‌ربه‌ست عوسمان، ده‌ربه‌ندیخان
  7. ئه‌دهه‌م یه‌حیا، چه‌مچه‌ماڵ
  8. ئاوات تاڵیب، پێنجوێن
  9. ئاكار جه‌بار، سه‌یدسادق، ته‌مه‌نی ١٦ ساڵ
  10. شڤان محه‌مه‌د، كفری

له‌گه‌ڵ ڕێزی

جه‌مال موحسین

له‌لایه‌ن كۆمیته‌ی نه‌رویجی حزبی كۆمۆنیستی كرێكاریی كوردستانه‌وه‌

١١ ی دیسێمبه‌ری ٢٠٢٠

 

 

About hkkk

Check Also

ئۆکتۆبەری ژمارە ٤ ..

دەورەی تازە ئۆرگانی حزبی کۆمۆنیستی کرێکاریی کوردستان ٢٠٢١/١/٢٥ کلیکی ئێرە بکە بۆ خوێندنەوەی ژمارە ٤ی ئۆکتۆبەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *