بارودۆخی تازەی عیراق, گفتوگۆ لەگەڵ موئەیەد ئەحمەد

گفتوگۆی “کۆمۆنیستی هەفتانە” لە گەڵ موئەیەد ئەحمەد سکرتیری کۆمیتەی ناوەندی حزبی کۆمۆنیستی کرێکاری عیراق

کۆمۆنیستی هەفتانە: کۆبونەوە نارەزایەتەکان لە عیراقدا هەر رۆژە روو لە فراوان بوونەوەیە. هەلسەنگاندنی حزبی کۆمۆنیستی کریکاری عیراق چیە بۆ ئەم رووداوانە؟ ئاستی شیعارەکان ومەیلی گشتی بەرەو کۆی دەرۆن ونەخشەی چ ئایندەیەک دەکیشن؟
موئەیەد ئەحمەد: ئەم ئیعترازانەی خەلک لە عیراقدا میژووی خۆی هەیە ولە چەند سالی رابردوودا بە شیوەی جۆراوجۆرهەبوون وبەردەوام بوون. ئەوەی ئەمرۆ ئەی بینین بزوتنەوەی نارەزایەتی جەماوەریە بە دژی ئەو کیشانەی کە تەنگیان بە خەلک هەلچنیوە، هەر لە هەژاری وبێکاری ونەداریەوە تا نەبوونی کارەبا وئاوی خاوین، هەر لە بێ ئەمنی وبێ ئاسودەیەوە تا مووچە برین وگەندەلی بی سنوور ونەبوونی خەدەماتی گشتی. خاسیەتی تایبەتی ئەم خۆپیشانادانە هەر تەنها فراوانی وبەر بلاوییان وبەرهەق بوونی خواستەکانی خۆپیشاندەران نیە بەلکوو لەوە گرنگتر ئەوەیە کە خەلکی نارازی هۆی هەموو ئەو ناهەموریانە وسەختی ژیانیان دەگێرنەوە بۆ گەندەلی دام ودەزگاکانی رژیمی ئیسلامی وقەومی لە سەر کار وخودی حاکمیەتی ئیسلامی سیاسی.
ئەو زنجیرەی کە هەموو ئەلقەکانی ئەم خۆپیشاندانانەی بەیەکەوە بەستۆتەوە ئەوەیە کە خەلک نەیامەتیەکانی خۆیان لەوە دا دەبیننەوە کە حزب ورەوتە ئیسلامی وقەومیەکان ورژیمە گەندەلەکەیان تالانو برۆیان ئەکەن وئەوانن کە دزو جەردەن وهەر بەو پێیەش ئەوانە قابلی چاکسازیی نیین وناتوانرێ موتمانەیان پێ بکرێ. خەلکی نارازی ئاڵوگۆری جدییان ئەوێت وبۆ جێبەجێکردنی ئەو ئالۆگۆریانە هاتوونەتە مەیدان. زەربەیک کە لە ئیسلامی سیاسی بە گشتی وە بە تایبەت لە ئیسلامی سیاسی شیعە درا لەم خۆپیشاندانەدا بە هیچ جۆریک قابیلی چاکبونەوە نیە، وە ئەمە جێگەو رێگەی پر بایەخی ئەم اعترازانەیە. ئەم و خۆپیشاندان واعترازانە سەرکوتوو ببێ یا نا زۆر لە کاریگەری گورزیک کە ئەم بزوتنەوەیە وەشاندی کەم ناکاتەوە.
شیعاری وەک ” نە سونی، نە شیعی،   حکومەتی مەدەنی” و ” مەرجەعیە خەلەتاندیانین ودەنگ مان دا بە دزەکان” ویا شیعاری زۆر بلاوی ناو خۆپیشاندانەکان ” بە ناوی دینە وە، جەردەکان تاڵانیان کردیین”…هتد، واقعیەتی اعترزاکان پیشان ئەدەن. وەئەمانە هەمووی خواست وشیعاری خەلکن بە گشتی وتەعبیر لەوە ئەکەن کە خەلک بە شۆین ئەوەویە کە ئالوگۆریەکی جدی لە ژیانیدا فراهەم بهینن. هیزی بزۆینەری ئەم بزوتنەوەیە لە بنەرەتدا خەلکی بە تەنگ هەلاتووە بە دەست ناهەمواریاکانی ژیانیانەوە، کریکاران وزەحمەتکێشان وبێکاران، گەنجانی کور وکچی تامەزرۆی مەدنیەت وباش بژێوی، خەلکی تورە لە وەزعی ئیستا، بەلام دیارە لە نەبوونی ریزی یەکگرتووی ئەم هیزە وزال نەبوونی ئاسوی رادیکالیان بە سەر بزوتنەوە نارزایەتیەکەدا بوار خۆش بووە بۆ ئەوەی کە ئاسۆی چاکسازی خۆاز وریفۆرمیستیش دەوری خۆیان بگێرن لە ناو بزوتنەوەکەدا.
دیارە میدیای بۆرژوازی غەرب وبۆرژوا ریفۆرمیستەکانی ناوخۆی عێراق لەوانەش چەپە نیوەو ناچل و تەقلیدیەکان دەیانویت ئەوە نیشان بدەن کە ئەم بزوتنەوەیە تەنها بۆ ریفۆرمە وهاورای مەرجەعیە وسیستانیە وتەنانەت بەشیکیان وای لە قەلەم ئەدەن کە بە فەرمانی مەرجەعیە وەرێ خراوە. یا کەسانێکی کەش ئەلێن ئەمە بزوتنەوەیەکی سیاسیە لە چەشنی “جم وجوولی سەوز”! لە ئیراندا ، واتە بالیکی دەرونی رژیم لە عێراقدا دەیەویت چاکسازی بکات ومەرجعیەی لە پشتە ودەیەوێت نیزامی جێگرتوو تری بؤرژوازی دامەزرێنێت. لە راستیدا هەموو ئەمانە یا بەرژەوەندی سیاسیان هەیە کە ئەم بزوتنەوەیە وا دەر بخەن، یا ئاگادر نیین وشیکردنەوە ولیکدانەوەیکی ‌ئیختیاری وزەینگەرایانە ئەکەن. بالی ریفۆرمیزم بە هەموو توخماکانی هەر لە بەشیک لە ئیسلامی گەراکانەوە کە دەیانەوێت کەمیک چاک سازی بکەن تا نیمچە چەپەکان ورۆشنبیرانی نارازی لە ناو ئەم بزوتنەوەیەدا هەن وە بەهیزن وە تەنانەت دەست پێشخەر بوون لە زۆر حالەتدا بەلام تا ئیستا نەیان توانیوە ئاسۆی خۆیان بە تەواوی زال بکەن بە سەر بزوتنەوەکەدا وهەر بۆیە خاسیەتی سەرەکی ئەم خۆپیشاندانانە رووبەرووبوونەوەی خەلکە بە دژی گەندەلی وحاکمیەتی ئیسلامی سیاسی وبزوتنەوەیەکی بەر هەقی خەلکە بۆ بە دیهینانی خواستەکانیان.

کۆمۆنیستی هەفتانە: حزبی کۆمۆنیستی کریکاری عیراق ورەوت ومەیلە رادیکال وکۆمۆنیستەکان لە عیراقدا چ بەرنامەیاکیان هەیە بو دەخالەتی کاریگەر لەم رووداوانەدا؟ ئەولویەتی کاری ئەمرۆتان چیە؟ ریگریەکانتان چین؟.
موئەیەد ئەحمەد: حزب کمونیست کارگری عیراق ورەوت ومەیلە کومونیستەکان بەشیکن لە خودی باڵی کۆمەلایەتی رادیکالی ئەم بزوتنەوەیە نەک لە باری مەیلی سیاسی وکومەلایەتیانەوە بەلکوو لە باری عەمەلیشەوە. لە ماوەی ١٢ سالی رابردوودا ئیمە وەکوو حزب هەمیشە بەم پلە وئەو پلە لە ئامادەیی لە ریزی نارەزایەتیە کرێکاری وجەماوەریەکانەوە بووین وە لە فیبروەری ٢٠١١ دا لە بەغداد و شۆینەکانی تر لە ریزی پێشەوەی خەباتی خەلکدا بووین بە دژی حکومەتی مالکی ونیزامی سیاسی عیراق. ئەم بزوتنەوە جەماوەریە کە لە ئارادایە گرنگە وئەمە ریگەی واقعیانیە بۆ هاتنە دەرەوەی جەماوەر لە ژیر باری قورسی ئاسوی ئیسلامی سیاسی وقومی وئەمە ئەو رەیگەیەیە کە دەتوانری خەباتی سیاسی وفکری ناو کۆمەل بە شیوەیەکی خێرا وهەمەگیر وجەماوەری بچێتە پێشەوە. مەسەلەیکی گرنگ، کە کەمتر باسی لێ دەکری، ئەوەیە کە ئەم خۆپیشاندانانە دیواری ترسیان شکاند وخەلک ئازایانە بەرەورووی هێزەکانی ئیسلامی سیاسی بونەوە وهەیبەتیانیان شکاندنو رەمزو وشەخسیەتەکانیان وسەرکردەکانیان بوونە شۆینی گالتەجارییان. هەر وەک ئاشکرایە عیراق لە سەر دوو رییکی یرمەترسیە چونکە لە گەل جیگیر بوونی زیاتری دەسەلاتی هێزەکانی ئیسلامی سیاسی شیعە خەتەری زال بوونی ئیستبدادی دەولەتی وزیاتر بوونی رۆلی هیزە میلیشاییەکانیان هەیە کە مەترسیەکی گەورەیە بو سەر خەلکی عیراق وناچەکە. بزوتنەوە جەماوەریەکەی ئیستا کاریگەریەکی گەورەی هەیە بۆ ریگرتن لەوەی کە ئەم ئایندە تاریکە ببیتە واقع. بەرنامەی ئیمە وئەولەویەتی کارمان ئەوەیە کە ئەم بزوتنەوەیە لە هەموو ئاستەکاندا بە هێز بکەین ونەهیلین ببیتە سووتەمەنی یەکالا کردنەوەی بەرژەوەندیەکانی ئەم بال وئەو بالی بۆرژوازی ورژیم یا بە ریچکەی چاک سازی شکلی وبی ناوەرکدا ببریت. ئەمانەویت بزوتنەوەکە بە خواستەکانی خۆی بگات و پۆتینسیەکی سیاسی کە هەیەتی بەو پەری تواناوە ئەنجام بدرێت وبەرەو پێش ببریت. ئەمەش بەوە ئەکرێت کە ئەم بزوتنەوەیە ریکخراوتر بیت وه بەرینتر بکریتەوە ورابەریەکی لێهاتووی بۆ فەراهەم بهینریت. تا ئیستا دەستکەوتیکی بزوتنەوەکە ئەوە بووە کە دیواری ترسی شکاندووە وجەماوەر بە دژی دەسەلات وحزبەکانی هاتوتە مەیدان، ئەوە زۆر گرنگە کە ئەم دەستکەوتە بپاریزریت وبکرێتە بەشیک لە تەقلیدی سیاسی زال لە عیراقدا وبەرەوپێشتر ببرێت وفرسەت نەدری دام دەستگای دەولەت وهیزە میلشیەکان بتوانن سەرکووتی بزوتنەوکە بکەن وخەلک دەم کوت بکەن. ئیمە هەم لە باری سیاسی و هەم لە باری ریکخراوو بوون ورابەریکردنیەوە لە کار داین بۆ بەرەوپێشچوونی بزوتنەوەکە لە پەیونددایان لە گەل اکتیڤیست ورابەرانی ” کومیتە تەنسیقیەکان” بە تایبەت لە بەغدا وبەسرە .
یەکیک لە چەلەنجەکان وئەولویەتەکانمانم ئەوەیە کە کریکارن و زەحمەت کێشان وبیکاران و گەنجانی رادیکال وپێشکەوتن خواز وخواست وەئامانجەکانیان ببنە بڕبڕە پشتی نەم بزوتنەوەیە. هەروەها بزوتنەوەکە فراوان ببیتەوە وشکلی دیکەی خەبات بە خۆیەوە بگرێت وریکخراوتر بیت. مەسەلەی بناغەیی ئەوەیە کە ریزی سەربەخۆی کریکاران وزەحمەت کێشان وتەیفی رادیکالی ناو گەنجانی کچ و کوردەتوانی ئایندەی ئەم بزوتنەوەیە دیاری بکات، هەم وزەو توانی زیاتری پێ بدا وهەم ئەم قوتبە رادیکالە کومەلایەتەیە خۆی بەهیزتر وریکخراو تر بیت وئاسو وسیاسەتەکانی ئەمان بە عەمەلی ببیتە ئالای بزوتنەوەکە وە. ئەمە جگە لەوەی کە هەم حزبمان لە پروسەی ئەم خەباتەدا کومەلایەتی ببیتەوە وبەهیز ببیت. ئیمە لە هەول داین کە ئەم قوتبە رادیکالە لە رووی سیاسیەوە سەربەخو بێت لە ئاسو وە فکری هیزە ئیسلامی وقومیەکان و خوی ریکخراوتر بکات و رابەری بزوتنەوەکە بکات.دیارە رەوت ومەیلی جیاواز هەیە لە ناو بزوتنەوەکەدا بەلام بەو پلەیەی کە بتوانرێ بەرژەوەندیەکانی کریکاران وزەحمەتکیشان وخەلکانی ئازادیخواز ببنە بناغەی ئامانج وخواستەکانی بزوتنەوەکە بەو پلەیەش سنوور بەندی لە گەل ئەو رەوتە ریفورمسیتیانەدا ئەتوانری بە ئاسانی بەرەوپیش ببریت.

خۆپیشاندان لە شوینیکدا ئەوەستی گەر شیوەی خەباتی تری جەماوەری نەیەتە ئاراوە وئەم اعترازانە نەچیتە ناو کارگە وگەرەکەکانەوە وشکلی تری خەبات ئەنجام نەدریت، چونکە ئەوە نا درۆستە کە وای دابنێین تا ماوەیەکی زۆر هەر خۆپیشاندان بەردەوام ئەبێت. قەیرانیکی ئابوری وسیاسی وکومەلایەتی کە لە ئارادایە هەر وا بە ئاسانی کۆتایی پێ نایەت تەنانت ئەم شەپولی نارازایاتەیە جەماوەریەی ئیستاش دابمرکێتەوە ئەو قەیرانە هەر دەمینی. هەر بەم پیەش ئیمە بەرنامەی کارمان لە سەر ئاستیکی درێژ ماوە تر دارشتووە.
دیارە ریگری زورمان لە بەردەمدایە لەوانە نەبوونی ریکخراویکی حزبی بەرین وریشەداری کومەلایەتی کە بتوانی کارەکان بە چالاکانە راپەرینی. نەبوونی میدیایەکی کاریگەر وبە هیز ونا ریکخراوبوونی کریکاران وسەختی خەبات لە لایان ژنانەوە کە ئەمانە خالیکی لاوازی بزوتنەوەکە و کیشەیکە بو بەروپیشچوونی کاری حزب…هتد.

کۆمۆنیستی هەفتانە: لە دەرەوەی وولات ئەتونرێ چی بکرێت؟ میدیاکان کاریان بە سەر بلاوکردنەوەی نارازایاتەکانی عێراقەوە نیە. ئایا تۆ لەو بروایەدایت کە بەرێخستنی بەرەیەکی هاوپشتی ئینترناسیونالیستی لە کریکاران وبەشەریتی ئازادیخۆاز بۆ بەرگری لە خەباتی ئازادیخوازانەی خەلکی زەحمەتکێشی عێراق لە ئیستادا بوبێتە کاریکی زەروور؟.
موئەیەد ئەحمەد:: میدیای بورژوازی غەرب زۆر هوشیارانە خۆیان دوور رائەگرن وهەوالەکانی ئەم اعترازە جەماوەریەی عیراق بلاوناکەنەوە وئەمە زۆر کاریگەری داناوە کە خەلکی دەرەوەی عیراق ئەوەندە ئاگاداری وەزعەکە نەبن. بەشیک لە میدیای ناوخۆ وچەنالی تەلەفزیونی وەک “الشرقیە” و “الرشید” و “البغدادیە”، کە خەبەری نارەزایەتیەکان بلاو ئەکەنەوە، بە شیوەیکی زۆر لایەنگرانە وبە هەدەفی سیاسەتی دیاریکراوی خۆیان ئەم کارە ئەنجام ئەدەن وزۆر ئاشکرا خەبەرەکان فیلتەر ئەکەن. هەر بەم پێیەش، میدیاکان زۆر کاریگەریان هەبووە کە ئەم بزوتنەوە نارەزایەتیەی خەلک تەنها وەک بزوتنەوەیەکی دەستکردی مرجعیە ولە پیناو چاکسازی دەروونیی نیزامی سیاسی عیراق وتەئیدی ‌العبادی دەرکەویت ویا وەک ئەوەی دەستی لایەنە قەومیەکانی چەشنی ایاد علاوی تیا بیت!. کاری زۆر ئەتوانری بکرێت لە دەرەوەی وولات بو بەرگری لەم بزوتنەوەیە: هەر لە بلاو کردنەوەی هەواڵەکانی نارەزایەتیەکان وگەیاندنیان بە یەکیەتیە کریکاریەکان وریکخراوە چەپ وئینسان دۆستەکان ورای گشتی، تا کمپینی بەربلاو وئەکتیڤی جیهانی بۆ بەرگری لە بزوتنەوەکە وهاوپشتی بۆ خواست وئامانجەکانی، هەر لە ریکخستنی خۆپیشاندانی هاوپشتی لە بزوتنەوەکە لە بەردەم سەفارەتەکانی عێراق تا خۆپیشاندان لە بەر دەم ئۆفیسی میدیا گەورکانی وەک” بی بی سی” و “سی ن ن” بە ئامانجی گەیاندنی هەوالی بزوتنەوەکە بە جیهان. لەم نیوەدا گەیاندنی هەولەکان بە خەلکی ئێران وریکخستنی خۆپیشاندان لە بەردەم سەفەرتەکانی ئیران بایەخیکی تایبەتی هەیە. رژیمی ئیسلامی ئێران هەر لە سەرەتاوە خۆی پی رانەگیرا وکەوتە دوژمنکاری بە رامبەر خەلکی عیراق ودەعوەتی المالکی وحزبەکانی ئیسلامی سیاسی شیعەی کرد بۆ پلان دارشتن بە ئامانجی کپ کردنەوەی بزوتنەوەکە، ،هەروەها قسەکەرانی رەسمی رژیمی ایران کەوتنە دیعایەی دوژمنکارانە بە دژی خۆپیشاندەران بە راستای زەمینە ساز کردن بۆ سەرکووتی خۆپیشاندانەکان. ئەم نارەزایەتیانەی خەلکی عیراق لەو ناوچانەدا بەری کەوتوە کە لە ژیر حاکمیەتی راستەوخۆی هیزو حزب ورەوتە کانی ئیسلامی سیاسی شیعەدایە وبە ناراستەوخۆ اعترازە بە جمهوری ئیسلامی ایران.

ئیمە وەک حزبی کۆمۆنیستی کریکاری عیراق بەرنامەمان لە دەرەوەی وولات ئەوەیە کە بەرەو ئەنجام دانی هە موو ئەو ئەرکانە هەنگاو بنین ولەم راستایدا پێشوازی وهاوکاری تەواو ئەکەین لە هەر لایەن وحزبیکی کۆمۆنیست وپێشکەوتن خواز بۆ هاوپشتی خۆپیشاندانو ونارەزایەتەکانی کریکاران وزەحمەتکێشانی عیراق وکاری هاوبەش لەم راستایەدا.بێگومان دروست کردنی بەرەیەکی هاوپشتیی ئینترناسیونالیستی کریکاران وبەشەریەتی ئازادیخواز بۆ بەرگری لە خەباتی خەلکی عیراق وناوچەکە لە مێژە بوەتە زەررری وئەمرۆ لە پەیوەند بەم بزوتنەوە نارەزایەتیەی جەماوەرەوە، درۆست کردنی ئەم بەرەیە بوەتە ئەرکیکی دەستبەجێ. بەریەکی ئازادیخوازیی جیهانی ئەتوانی رۆڵ وکاریگەری جدی هەبیت لە سەر رووەندی سیاسی لە ناوچەی رۆژهەلاتی ناوەراستدا وبە راستەخۆیی ئەتوانی ئومید ببەخشی بە خەلکی نارازی عیراق وهەم بزوتنەوە جەماوەریەکە وهەم قوتبی رادیکالی ناو بزوتنەوەکە بە هیزتر بکات. بزوتنەوەی نارەزایەتی ئەمرۆی خەلکی عیراق پەنجەرەیەکی گرنگی کردۆتەوە تا کریکاران وخەلکی زەحمەتکێشی عیراق بتواننن کاریگەریان هەبیت لە سەر رەوەندە سیاسیەکانی عیراق وببنە لایەنیکی هاوکێشە سیاسیەکان وپاشەکشەیەکی گەورە فەرز بکن بە سەر ئیسلامی سیاسیدا. هەر بەو پێیەش، فرسەتیکی خولقاندووە کە بەرەی ئازادیخوازیی جیهانی کاریگەری خۆی بە جێ بهێلی لە سەر رەوەندە سیاسیەکانی عیراق وپاشەکش پێکردنی ئیسلامی سیاسی. ئەوە ئەرکی سەرجەم کۆمۆنیستەکانە کە چالاکانە لە هەولی پیکهێنانی ئەم بەرەیەدا بین.

 کۆمۆنیستی هەفتانە: بە لە بەرچاوگرتنی ئەوەی کە کۆنەپەرستان سەرتاپایان چەکدارن لە عێراقدا وتەهدیداتی ئەمنی رووبەرتان ئەبێتەوە لە شوینی چالاکیەکانتاندا، ئیوە تەگبیرتان چیە بۆ بەرگری لە خۆ ولە خۆپیشاندەران بە رووی هیرشی تێرۆریستیدا؟ چ چاوەروانی وپێشبینیکتان هەیە لە پارێزەرانی ئەم خەباتە ئازادیخوازنەیە لە عێراقدا؟
موئەیەد ئەحمەد: لە راستیدا تەهدیداتی ئەمنی جوراوجۆر هەیە کە رووبەرووی خۆپیشاندانەکان ئەبنەوە. تەقینەوە وکاری تێروریستی کێشەیەکی گەورەیە وبەکار هینانی زەبروزەنگی هیزەکانی حکومەت وهیزە میلیشیەکانیش خەتەریکی بەردەوامە بو خۆپیشاندانەکان. هیزە میلیشیەکان لە بصرە هەر لە سەرتاوە تەقەیان لە خۆپیشاندەران کرد وئەوە بوو لە شارؤچکەی مودەینە لە بصرە لاوێکیان کوشت. دواتر بە گویرەی هەوالەکان چەند کەسێکی تریش ئیغتیال کراوان لە شوینی جێاوازدا. هەر لە بصرە نامەی تهدید بو دەیان ودەیان لە رابەران وچالاکەوانی بزوتنەوەکە نێراوە کە داوایان لێ کردوون دەست هەلگرن لە خۆپیشاندان واعتراز وتەهدیدی کوشتنیان ئەکەن وئەو جۆره نامانەش بۆ چەند کادری حزبی کۆمۆنیستی عراق نیراوە. لە بەغدا وشارەکانی تردا تاقمی تیکدەر لە ناو خۆپیشاندانەکاندا خەڵکیان بریندار کردووە وفشاریان بۆ ژنانی خۆپیشاندەرهێناوە. لە بصرە تاقمە چەکدارە میلشیەکان هێرشیان بردە سەر خێمەی اعتصامەکانی گەنجان وخیمەی “اتحاد العاطلین”، وخێمەکانیان پی لا بردن و لییان دابوون و سوکایاتیان پێ کردبوون. شەبەکەکانی چالاکەوانی بزوتنەوەکە هاوکاری جدی یەکتر ئەکەن بو رووبەرووبونەوەی ئەم جورە تهدیداتانە وپلان دادەنین چۆن بەرنگاری خیراو جەسورانەی دەست درێژیەکانی ئەو دەستە وتاقمانە ببنەوە. لە گەل ئەوەشدا کە هێشتا حکومەت ئەیەویت بە وادەی چاکسازیی رووکەش نارەزایەتیەکانی خەلک کونترۆل بکات بەلام هیزەکانی پولیسی تایبەت بە “روبەرووبونەوەی ئاژاوە” لەم یەک دوو هەفتەیەی رابردودا توند وتیژیان بە کار هێناوە بە دژی خۆپیشان دەران وبە تایبەت چالاکەوانانی خۆپیشان دانەکان. هەروەها، هەتا ئیستا ‌هیزەکانی حکومەت کونترۆلی شەقامەکان ئەکات وئاسایشی خۆپیشاندانەکان ئەپاریزیت لە بەرامبەر تێرۆریستەکاندا بەلام ئەمە قەت جێگەی موتمانەی خەلک نیە ولە گەل چوونە پێشەوەی بزوتنەوەکە وگۆرانی سیاسەتەکانی دەسەلات ئیحتمالی ئەوە هەیە کە هەر خودی هیزەکانی حکومەت کاری تێرۆریستی وتەقینەوە بکەن.

لە واقعدا کاراما ترین ریگە بۆ دوور خستنەوەی خەتەری تیرۆر وتەقینەوەو هەموو جۆرەکانی تری تەهدیداتی ئەمنی بە هیز بوون وبەرین بونەی بزوتنەوەکە وهاتنە مەیدانی کریکارن و زەحمتکێشان وبیکارن وخەلکی ئازادیخوازە. ئەمرو خەباتی سیاسی چینایەتی بە پلەیەکی وەها توند تیژ بوەتەوە، بە تایبەت لە رۆژ هەلاتی ناوەراستدا، کە هەر دەم دەبی لە ریچکەی هەر جم وجوولیکی سیاسی جەماوەریدا خەتەری تێرۆر لە بەر چاو بگیریت. لەم قۆناغە لە رێچکەی بەرەو پێشچوونی بزوتنەوەکەدا هیشتا بۆپاراستنی خوپێشاندانەکان پشت ئەبەسریت بە هوشیاری خەلک ودەست پیشکاری وئیجرائاتی عەمەلی رابەران وچالاکەوانی هیز وحزب ولایەنە بەشداربووەکانی بزوتنەوەکە.

١٢ ئاب ٢٠١٥