hkkurdistan
رۆژی ١٢ی نۆڤەمبەر محەمەد یەگانە لەتەمەنی ٦٧ ساڵی لەشاری بەرلین لەئەڵمانیا گیانی لەدەستدا، هاورێ محەمەد یەکێک بوو لە تێکۆشەرانی کۆمۆنیست کە لە سەردەمی پاشایەتی و پاشان لەبەرامبەر جمهوری ئیسلامی ئێران لەنێو بزوتنەوەی کۆمۆنیستی لەئێران و کوردستاندا خەباتی کردوە، ئەو کەسایەتیەکی خۆشەویستی شاری سنە و لەجەنگی بەرەنگاربونەوەی هێرشی سەربازی بۆ سەر شارەکانی کوردستان بەشداری کردوە، هاوکات لەو ماوەیەی کە ئەو لە دەرەوەی ئێران ژیاوە، بەردەوامی داوە بە خەبات و تێکۆشانی کۆمۆنیستی لەبەرامبەر دەسەڵاتی جمهوری ئیسلامی ئێران.گیان لەدەستدانی ئەو خەسارەتێکی بەرچاوە لە بزوتنەوەی کۆمۆنیستی و ئازادیخوازی. ئێمە لە حزبی کۆمۆنیستی کرێکاریی کوردستان هاوخەمی خۆمان بۆ کەس و کار و ئەندامانی خێزانی هاورێ محەمەد یەگانە و دۆستان و هاورێیانی دەردەبڕین.
سکرتاریەتی مەکتەبی سیاسی
حزبی کۆمۆنیستی کرێکاریی کوردستان
١٥–١١–٢٠١٨
