حزبی هێڵی پێشەوەی سۆشیالیستی سریلانکا

لەنامەیەکی ناڕەزایەتیدا  داوای دەستبەجێی ئازادکردنی  دەستگیرکراو ەکانی بادینان دەکەن.

لەدرێژەی کەمپەینی رێکخراوی دەرەوەی حزبی کۆمۆنیستی کرێکاریی کوردستان دژ بەسزادانی دەستگیرکراوەکانی بادینان ، حزبی هێڵی پێشەوەی سۆشیالیستی- سریلانکا نامەیەکی نارەزایەتی لەڕێگای نۆێنەرایەتی حکومەتی هەرێمی کوردستان لە لەندەن ئاراستەی حکومەتی هەرێمی کوردستان  دەکەن وەداوادەکەن کە ڕێز لە مافی ئازادی بیروڕاو کۆبوونەوەی ئاشتیانە و مافی خۆپیشاندان بگرێت، و سەرجەم ڕۆنامەنووس و چالاکوانانی سزادراو بە چەند ساڵ زیندانی دەستبەجێ ئازاد بکات.

هەرلەدرێژەی نامەکەیاندا هاتووە”  ئێمە لە حزبی هێڵی پێشەوەی سۆشیالیستیدا سەرکۆنەی بڕیاری دادگای هەولێرلە شوباتی ٢٠٢١ دەکەین سەبارەت بەسزادانی ڕۆژنامەنووس شێروان شێروانی و هاوڕێکانی کەلەساڵی پارەوە دەستگیرکراون لەکاتی بەشداریان لەخۆپیشاندانەکانی هەولێر و دهۆک. مافی ئازادی ڕادەربڕین و خۆپیشاندان مافێکی ڕەوای بنەڕەتیە و لە کۆمەڵگەی نێودەوڵەتی دانی پێداندراوە، ئەم مافە لەئەنجامی کار و خەباتێک کە بەدرێژایی مێژوو ژنان و پیاوانی ئازادیخوازی جیهان شانبەشانی یەکتر  بەدەستهاتووە، و کەسیش ناتوانێت تەنانەت حکومەتێکی هەڵبژێردراوی کاتی ئەو مافە لە جەماوەر و خەڵک زەوت بکات و بسەنێتەوە. …”

هەروەها ئەوەش دەڵێن”ئەوان لەدژی هەژاری و بێکاری و نەدانی مووچەی فەرمانبەرانی حکومی ناڕەزایەتیان دەربڕیوە، بەبێ کار و مووچە ناتوانن زیندوو بمێننەوە و خێزانەکانیان بەخێوبکەن. سەرەڕای ئەوە؛ دادگا سزای ٦ساڵ زیندانی بە ناڕەوا و تۆمەتی دروستکراوی بەسەردا سەپاندوون.  ئێمە ئاگادارین لەوەی کە ژمارەیەکی زۆری دیکە لە هەڵسوراوانو دەستگیرکراون و لەوانەیە بەهەمان شێوە سزا بدرێن…”

لەهەواڵی زیاتر ئاگادارتان دەکەینەوە.

ڕێکخراوی دەرەوەی حزبی کۆمۆنیستی کرێکاریی کوردستان

١٤/٧/٢٠٢١

دەقی نامەکە لە خوارەوە هاتووە:

بۆ/ نوێنەرایەتی حکومەتی هەرێمی کوردستان/ بەریتانیا

2 Hobart Place, Belgravia , London.SW1W 0HU

ئازادکردنی دەستبەجێی ڕۆژنامەنووسان و چالاکوانانی دەستگیرکراو لە کوردستان.

ئێمە لە حزبی هێڵی پێشەوەی سۆشیالیستیدا سەرکۆنەی بڕیاری دادگای هەولێرلە شوباتی ٢٠٢١ دەکەین سەبارەت بەسزادانی ڕۆژنامەنووس شێروان شێروانی و هاوڕێکانی کەلەساڵی پارەوە دەستگیرکراون لەکاتی بەشداریان لەخۆپیشاندانەکانی هەولێر و دهۆک. مافی ئازادی ڕادەربڕین و خۆپیشاندان مافێکی ڕەوای بنەڕەتیە و لە کۆمەڵگەی نێودەوڵەتی دانی پێداندراوە، ئەم مافە لەئەنجامی کار و خەباتێک کە بەدرێژایی مێژوو ژنان و پیاوانی ئازادیخوازی جیهان شانبەشانی یەکتر  بەدەستهاتووە، و کەسیش ناتوانێت تەنانەت حکومەتێکی هەڵبژێردراوی کاتی ئەو مافە لە جەماوەر و خەڵک زەوت بکات و بسەنێتەوە.

ئەوان لەدژی هەژاری و بێکاری و نەدانی مووچەی فەرمانبەرانی حکومی ناڕەزایەتیان دەربڕیوە، بەبێ کار و مووچە ناتوانن زیندوو بمێننەوە و خێزانەکانیان بەخێوبکەن. سەرەڕای ئەوە؛ دادگا سزای ٦ساڵ زیندانی بە ناڕەوا و تۆمەتی دروستکراوی بەسەردا سەپاندوون.  ئێمە ئاگادارین لەوەی کە ژمارەیەکی زۆری دیکە لە چالاکوانان دەستگیرکراون و لەوانەیە بەهەمان شێوە سزا بدرێن.

داواکارین لە حکومەتی هەرێمی کوردستان کە ڕێز لە مافی ئازادی بیروڕاو کۆبوونەوەی ئاشتیانە و مافی خۆپیشاندان بگرێت، و سەرجەم ڕۆنامەنووس و چالاکوانانی سزادراو بە چەند ساڵ زیندانی دەستبەجێ ئازاد بکات. ئێمە ڕایدەگەیەنین کە پشتیوانی و هاوپشتی لە براو خوشکان و جەماوەری ناڕازی فراوانی چینی کرێکاری هەرێمی کوردستانی عێراق  دەکەین.

‌حزبی هێڵی پێشەوەی سۆشیالیستی- سریلانکا

١٢ی تەمووزی ٢٠٢١

 

 

 

Check Also

گۆشەیەکی پرشنگدار لە مێژووی چینی کرێکاری ئەمریکا

لەنوسینی: عامر سابیر پێشەکییەکی کورت و پێویست: لە ئۆکتۆبەری ساڵی 1929 دا سیستەمی سەرمایەداری لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *