hkkurdistan
بڕیاربوو ئەمڕۆ ٥ی شوباتی ٢٠٢٤ حزبی شیوعی کوردستان لە هەولێر خۆپیشاندانێکی پشتیوانی بۆ نارەزایەتی و خۆپیشاندانی مامۆستایان و مووچەخۆران و وەڵامدانەوە بە داواکاریەکانیان لەبەردەم ئەنجومەنی وەزیران بەڕێبخات، بەڵام هێزەکانی ئاسایشی پارتی رێگری لە ئەنجامدانی خۆپیشانەدانەکرد و چواردەوری بارەگای مەڵبەندی هەولێری حزبی شیوعی بەهێزێکی زۆری چەکدار گەمارۆ دراو رێگەیان نەدا کە خەڵك بە خۆپیشاندانەکەوە پەیوەست بن.
شایانی وتنە حزبی ئێمە پشتیوانی خۆی بۆ ئەو خۆپیشاندانە دەربڕی و بانگەوازی جەماوەی کرد بۆ بەشداریکردن لە خۆپیشاندانەکەدا. سەرەنجام ئەندامانی حزبی شیوعی کە لەبەردەم مەڵبەندی هەولێری ئەو حزبەدا کۆبووبوونەوەو ژمارەیەکیش لە خەڵکی ناڕازی کە لەنێویاندا ژمارەیەك هاورێ و دۆستی حزبی ئیێمەش تێیدا بەشداربوون، کۆبونەوە نارەزایەتیەکەیان ئەنجام داو ئەو یاداشتەی کە بڕیاربوو پێشکەشی سەرۆک وەزیرانی بکەن، خوێندەوە.
ئەنجامدانی خۆپیشاندان و ناڕەزایەتی مامۆستایان و مووچەخۆران و خەڵکی بەشمەینەت مافێکی سەرەتایی خەڵکەو هەرجۆرە رێگریکردنێك لەلایەن دەسەڵاتەوە، کردەوەیەکی سەرکوتگەرانەو دژی ئازادیە. پشتیوانی هەر حزب و لایەنكی سیاسی لەو ناڕەزایەتیانە بە ئەنجامدانی هەرجۆرە چالاکیەکی سیاسی لەوانە خۆپیشاندان مافێکی سەرەتایی سیاسی هەرحزب و لایەنێکی سیاسیە. بۆیە ئەوکارەی ئاسایشی پارتی بۆ رێگریکردن لە خۆپیشاندانی ئەمڕۆی هەولێر کە حزبی شیوعی بانگەوازی بۆ کردبوو هاوکات گەمارۆدانی بارەگای مەلبەندی هەولێری حزبی شیوعی کوردستان بەهێزی سەربازی، سەرکۆنە و ریسوادەکەین.
پارتی بەم کارەی، سەرباری ئەوەی راستەوخۆ دژایەتی خۆی بۆ ژیان و گوزەرانی خەڵک دوپات کردەوە، خاڵێکی رەشی دیکەی بۆسەر کارنامەی سیاسی خۆی زیادکردو ماهیەتی سەرکوتگەرانەی خۆی بۆ خەڵکی کوردستان نمایش کردەوە.
حزبی کۆمۆنیستی کریكاریی کوردستان
٥ی شوباتی ٢٠٢٤
