hkkurdistan
ئەمرۆ 15/1 کۆمیتەی فنلاندی حزبی کۆمۆنیستی کرێکاریی کوردستان سیمینارێکی بۆ موحسین کەریم ئەندامی مەکتەبی سیاسی حزب لە شاری هیلسینکی رێکخست. لەم سیمینارەدا ژمارەیەکی بەرچاو لە دۆست و ئەندامانی حزب و رەوەندی کوردی دانیشتوانی شاری هیلسینکی ئامادەبوون.
سیمینارەکە تایبەت بوو بە قەیرانەکانی کوردستان و ناڕەزایەتیە جەماوەریەکان و خاڵە بەهێزو لاوازەکانی و رێگای بەسەرکەوتن گەیاندنیان. موحسین کەریم لە چوار تەوەرەدا باسەکەی پێشکەش کرد، کە بریتی بوون لە ١/ بنەماکانی قەیرانی ئابوری و ساسی لە کوردستان… کێشمەکێشی لایەنەکان و تەرحەکانی حکومەت بۆ روبەڕووبونەوەی قەیرانەکان….٢/ هۆکارە کۆمەڵایەتی و ئابوریەکانی سەرهەڵدانی ناڕەزایەتیەکان..٣/ خاڵە لاواز وبەهێزەکانی ناڕەزایەتیەکانی جەماوەر….٤/ رێگاچارەکان و ئایندەی ناڕەزایەتیەکان
شایانی ئاماژە پێکردنە کە بەشداربوان بەشداری چالاکانەو گەرموگوڕیان کرد. دوای نزیکەی دووسەعات سیمینارەکە کۆتایی پێهات.
کۆمیتەی فنلاندی حزبی کۆمۆنیستی کرێکاریی کوردستان
