سەرکەوتنی  ناڕەزایەتیە  جەماوەریەکان  لە  گرەوی  چی دایە ؟ 

فوئاد سادق     

دەسەڵاتدارانی  کوردستان  لە ماوەی  سی ساڵی ڕابردوودا ، هەلومەرجێکی  نەخوازراو و کارەساتباریان  بەسەر  خەڵکی کوردستاندا  سەپاندووە،  بە  بەردەوامیش  تا  هاتووە  ئەم هەلومەرجە  خراپترو  دژوارتر بووە،  لەئێستادا  خەڵکی کوردستان  لە  سەرەتایترین پێداویستیەکانی  ڕۆژانەی   ژیانیان  بێبەشکراون ،  دەسەڵات  ڕۆژبە ڕۆژ زیاتر هێرشەکانی  بۆ سەر  جەماوەر لە  هەموو  ڕویەکی  ئابووری  و  سیاسی  و کۆمەڵایەتیەوە دەست  پێکردووەو  بە زەبری  هێزی  میلیشیا سەرکوتکەرەکانی  بۆ بەرتەسکردنەوەی ئازادیە  سیاسیەکان  توندتر  دەکاتەوە،  ستەمکاری  و چەوساندنەوە  بەرامبەر  جەماوەر خەسڵەتی  ئەم  دەسەڵاتەیە  ئەزمونی  سی ساڵی  رابوردوو  بە کردەوە  ئەم ڕاستیەی سەلماندوە  و  بۆ  وڵام  نەدانەوە  بەناڕەزایەتی  و  داواکاریە  ڕەواکانیان  جارێک  پەنا  بۆ فریوکاری  دەبات  و زۆر  جارێش  دەست  بۆ سەرکوت  کردن  دەبات،  دەسەڵات  دەرگیرە لە گەڵ  قەیرانی   ئابووری  و  بێ ئاسۆیی سیاسی  و بێ توانایی  لە  بەڕیوەبردنی کۆمەڵگا، هەر  ڕۆژەی  بە  پاساو و بیانویەک  هێڕش  بۆ سەر چین   و توێژە زەحمەتکێشەکان  دێنێت.  ڕۆژێک  بە   پاساوی  چاکسازی  و ڕۆژێکی  تر بە  بیانووی نەگەیشتنی  پارەی  بە‌‌‌غدا … هتد .   ئەم  بارودوخە  کرێکاران  و فەرمانبەران  و کارمەندان و خەڵکی  زەحمەتکێشی  ناچارکردووە  لە  بەرامبەر  ئەم  هێڕشانەدا  بە  شێوەی  جۆراوجۆر  بێتەمەیدانەوەو   توانیویانە   لە  سەرجەم  شار و شاروچکەکانی  کوردستان  لە  شێوەی  کۆمەڵی  دەستە  و  گروپ  و کۆڕوکۆمەڵ  و ڕێکخراو  کۆببنەوە، ئەم کۆڕوکۆمەڵانە ،  ئامانجی  زۆبەیان   وەلانانی   دەسەڵات  و کۆتایهینانە  بە  دەسەڵاتی  خێڵەکی  و بنەماڵەیی.  ئەزمون و مێژوی  سی ساڵی  ڕابردووی  ئەم  دەسەڵاتە  سەڵماندویەتی  کە ڕیفورم  هەڵناگری، بەشێکی  تریان  ناڕەزایەتی  و خەباتی  ڕشتەییە  کە  زۆربەیان  بۆ دەستهێنانی  مۆچە و دابیکردنی  خزمەتگوزاریەکانە، لە  پاڵ  ئەمانەدا  بوونی  ڕەوتێکی ڕیفورمخواز  کە  بانگیشەی  چاکسازی  دەکات، ئەمانە  پاشماوە و بەشێکن  لەو هێزانەی کە  توانیان  بۆ دەورەیەک  خۆشباوەڕی  لە ناو خەڵکدا  دروست بکەن، لەم ڕێگایەوە توانیان  سواری  شەپۆلی  ناڕەزایەکان  ببن  و گورزێکی  کاریگەریان  لە خەبات و ناڕەزایەتیەکاندا  لە پێناوی  شەریکبونەوە  لە  دەسەڵاتدا، ئەمانە  تا  ئێستاێش  بە خەیاڵی خەباتی  پەرلەمانیەوە  شەو سەردەنینەوە،  لە کاتێدا  ئەزمونی   رابردوو  نێشانی  داوە  کە پڕوپاگەندەی  چاکسازی  و هەڵبژاردن  و خەباتی  پەرلەمانی،  نەک  هێچ  کاراییەکیان نییە  بەڵکو  سەرجەمیان  جگە  لە خۆڵکردنە  چاوی  خەڵک  و دەستەمۆکردنیان  هێچ ئاکامێکی  تریان  نییە و ڕێگرە  لە  بەردەم  ئاڵوگۆڕی  ڕیشەیدا.

لە  بەرامبەردا  بوونی  بزوتنەوەی  ناڕەزایەتی  جەماوەرە ی  هەیە ،  خاڵی  هەرە  لاوازی  ئەم  بزوتنەوەیە  پەرشوبڵاوی  و بێبەری  بوونە  لە  ڕێکخراوێکی  سەراسەری  کە  ڕابەری  ئەم  بزوتنەوەیە  بکات  لە  ڕێگای  بە دیهێنانی  ئامانجەکانیدا،  ڕێگای سەرەکی  ئەم  ئاڵوگۆڕە ،  پەرەدانە  بە  ناڕەزایەتیە  جەماوەریەکان  و  رێکخراو و یەکگرتوو  و  هاوکار و هاوئاهەنگ  هەم  لە  ئاستی  محەلی  هەم  لە  ئاستی  سەراسەری.   گرتنەبەری  هەموو  شێوازێکی  خەباتی  سیاسی  و کۆمەڵایەتی  و  جەماوەری  بۆ ڕێگرتن  بە  هێرشەکانی  دەسەڵات  و پاشەکشەکردن  پێیان ،  لە  دەوری  رابەریەتی ڕێکخراوەیەکی  جەماوەری   سەراسەری  دا  .

Check Also

سەبارەت بەکشانەوەی کوتلەی سەدر لەپەرلەمانی عێراق

گفتوگۆ لەگەڵ عوسمانی حاجی مارف ئۆکتۆبەر: ئەوە لەهیچ کەس شاراوە نیە کە بارودۆخی سیاسی عێراق …

وەڵامێک بنووسە

پۆستی ئەلکترۆنیکەت بڵاو ناکرێتەوە .