ڕاگەیاندنێک لە حیزبی کۆمۆنیستی کرێکاریی کوردستانەوە سەبارەت بە ژیان لەدەستدانی  مەنسوور کەریمی

بە داخێکی قوڵەوە هەواڵی ژیان لەدەستدانی مەنسوور کەریمی، خەباتکار و تێکوشەر، ئەندامی دەستەی یەکێتی کرێکاری ئازاد و هەڵسوڕاوێکی دڵسۆزی کۆمەڵایەتی و ژینگەپارێزمان پێگەیشت کە ڕۆژی سێشەممە ١١ی نۆڤەمبەر ی ٢٠٢٥  بە هۆی جەڵتەی دڵ لە نەخۆشخانەی شاری سنە گیانی لەدەستدا.

 مەنسوور کەریمی لە تەمەنی تەنیا ٥٣ ساڵیدا، ژیان ئاوایی کرد. ژیانێکی سەخت کە بەسەر زۆرێك لە خەڵکی کرێکار و زەحمەتکێشی ئێراندا سەپاوە، سەرباری هەژاری و بێکاری و ستەم و چەوساندنەوەیەك کە ژیانیانی هاڕیوە، بەهۆی نەبوونی  سیستەمی چاودێری  پزیشکی پێویست و بێدەربەستی کۆماری ئیسلامی ئێران دەرحەق بە ژیانی خەڵک، ئاکامەکەی بە لێسەندنەوەی ژیان لە مەنسوری کەریمی و هەزاران هاوڵاتی بێدەرەتانی هاوشێوەی ئەو لە ئێران گەیشتووە.

بێگومان ژیان لەدەستدانی مەنسوری کەریمی بۆشاییەکی قووڵ لە خەباتی ئازادی و یەکسانی و ژیانێکی باشتردا بەجێدەهێڵێت. پێشوازی گەرم و بەربڵاوی خەڵکی شاری سنە لە مەراسیمی پرسەکەیدا، بەڵگەیەکی بەهێزە لەسەر جێگەوپێگە و ئەو ڕێز و حورمەتەی کە ئەم هەڵسوراوە کۆمۆنیست و خەباتگێڕە لە خەباتی بێوچانیدا  بۆ  بەدیهێنانی ئازادی و یەکسانی و خۆشگوزەرانی و ڕاوەستانەوە بەڕووی کۆماری ئیسلامی ئێران، بەدەستی هێناوە.

وەک بەدەگهاتنەوەیەکی کۆمەڵایەتیش جەماوەرێکی زۆر لە کرێکاران و هەڵسوڕاوان و کەسانی یەکسانیخواز بە وتار و گۆرانی هاودەنگی و بە دانانی ئاڵای سوور و گوڵ لەسەر گڵکۆکەی مەنسوری کەریمی، ڕێزیان لە یادەکەی گرت.

حیزبی کۆمۆنیستی کرێکاریی کوردستان لە دڵەوە پرەسە و  سەرەخۆشی لە هاوسەر و منداڵ و کەسوکاری مەنسووری کەریمی و سەرجەم کرێکاران و ئازادیخوازان و خەڵکی بەشمەینەتی سەراسەری ئێران دەکات. ئێمە هاوبەشی خەمتانین و لەگەڵتان وەستاوین. بەدڵنیایەوە یادی ئەو، وەك ڕێپیشاندەر بۆ درێژەدان بە خەبات وتێکوشان  و رێگەی ئەو بەرەو پێش دەمێنێتەوە.

١٥/١١/٢٠٢٥